| e-texts navigator |
| བོད་ཡིག |
248b1 tshong dpon bkra shis zhes bya bas gser gyi sa gzhi gser gyi rkang pa'i rjes lta bu'i sa gzhi nyos nas gnas de nyid du dpag tshad phyed kyi dge 'dun gyi kun dga' ra ba byas so/ /bcom ldan 'das log par dad sel gyi dus su tshong dpon 'pho ba med pa zhes bya
248b2 bas gser gyi pha gu lta bu rgyun mi 'chad pa'i sa gzhi nyos nas gnas nyid du rgyang grags bzhi'i tshad kyi dge 'dun gyi kun dga' ra ba byas so/ /bcom ldan 'das gser thub kyi dus su tshong dpon drag po zhes bya bas gser gyi rus sbal rgyun mi 'chad
248b3 pa lta bu'i sa gzhi nyos nas gnas de nyid du rgyang grags gnyis kyi tshad kyi kun dga' ra ba byas so/ /bcom ldan 'das 'od srung gi dus su tshong dpon bkra shis bzang po zhes bya bas gser gyi pha gu rgyun mi 'chad pa lta bus sa gzhi nyos nas gnas
248b4 de nyid du rgyang grags gcig gi tshad kyi kun dga' ra ba byas so/ /slar yang bdag cag gi bcom ldan 'das kyi dus su tshong dpon mgon med zas sbyin gyis bye ba phrag bcwa brgyad kyi dbyig gis gser gyi 'dra men du byas pa rgyun mi 'chad pa lta bus
248b5 sa gzhi nyos nas gnas de nyid du rgyang grags phyed kyi kun dga' ra ba byas so/ /gnas 'di sangs rgyas thams cad kyis ma spangs pa'i gnas yin no/ /'di ltar byang chub chen po'i snying po'i drung du thams cad mkhyen pa'i ye shes thob pa ji srid pa nas yongs
248b6 su mya ngan las 'das pa'i mthar thug pa de srid du gang dang gang gi gnas su bcom ldan 'das bdag bzhugs pa 'di ni nye ba'i gleng gzhi zhes bya ba'o/ /de'i lugs kyis skyes rabs thams cad du bsngags par mdzad do/ /skyes pa rabs kyi gleng gzhi'i bshad pa
248b7 rdzogs s+ho/ / // @#/ /rgya gar skad du/ A TA nA Ti ya sU tra/ bod skad du/ lcang lo can gyi pho brang gi mdo/ 'phags pa dkon mchog gsum la gus pas phyag 'tshal lo/ /'di skad bdag gis thos pa dus gcig na/ bcom ldan 'das rgyal
248b8 po'i khab bya rgod phung po'i ri la bzhugs so/ /de nas rgyal po chen po bzhi po gnod sbyin mang po'i sde dang / dri za mang po'i sde dang grul bum gyi sde mang po dang klu'i sde mang po rnams phyogs bzhi bsrung zhing gnas so/ /phyogs bzhir tshan tshan du gnas so/ /
iiif viewer powered by OpenSeadragon
Texts on this page
J27 - skyes pa rabs kyi gleng gzhi
J28 - lcang lo can gyi pho brang gi mdo