| e-texts navigator |
| བོད་ཡིག |
175a1 @#/ /rgya gar skad du/ dzA ta ka ni dA na~M/ bod skad du/ skyes pa rabs kyi gleng gzhi/ 'phags pa dkon mchog gsum la gus pas phyag 'tshal lo/ /bcom ldan 'das rgyal byed tshal mgon
175a2 med zas sbyin gyi kun dga' ra ba na bzhugs pa'i tshe/ gnas brtan chen po don mthong bcom ldan 'das kyi thad du song nas/ phyag byas te bskor ba byas nas phyogs gcig tu 'khod de/ bcom ldan 'das kyi
175a3 thad du 'di skad ces gsol to/ /btsun pa bdag ni sangs rgyas bcom ldan 'das kyi rgyud kyi chos thos par 'tshal lo/ /bka' stsal pa/ don mthong yid la zung shig dang ngas bshad par bya'o zhes 'byung ngo / /
175a4 de yang 'dir sdud par byed pa po rab tu rtog pa'i shes rab dang zhi ba'i dgra bcom pa rnams kyi skyes pa rabs kyi gleng gzhi'i don gyi bsngags pa brjod do/ /ring ba'i gleng gzhi dang bar pa'i gleng gzhi dang / nye ba'i gleng gzhi ste/ /gleng gzhi gsum
175a5 po 'di gzigs nas bsngags pa gang zhig nyan pa'o/ /de la dang po re shig de rnams kyi gleng gzhi yongs su bcad pa rnams rig par bya'o/ /mar me mdzad kyi zhabs kyi drung 'dir sems pa chen pos smon lam btab bo/ /
175a6 ji srid thams cad sgrol gyi lus spangs pa'i bar dang dga' ldan gyi gnas su 'khrungs pa'i chos kyi gtam gyi bar gyi lam ni ring po'i gleng gzhi zhes bya'o/ /ji srid dga' ldan gyi gnas nas 'phos nas byang chub kyi snying por
175a7 thams cad mkhyen pa thob nas chos kyi gtam gyi bar ni gleng gzhi bar pa zhes bya ba'o/ /gang dang gang du zhugs nas/ de dang de thob pa rnams ni nye ba'i gleng gzhi zhes bya ba'o/ /de la 'dir ring po'i gleng gzhi zhes bya
175a8 ba ni 'di nas bskal pa grangs med pa bzhi dang bskal pa 'bum phrag gcig lhag pa nas mgo brtsams nas grong khyer 'jigs med ldan zhes bya ba byung ngo / /der yang bram ze blo gros bzang po zhes bya ba gnas so/ /
iiif viewer powered by OpenSeadragon
Texts on this page
J27 - skyes pa rabs kyi gleng gzhi