rKTs

e-texts navigator

Volume

Page

172a₁ mtshan gyi mdo rdzogs s+ho/ / // @#/ /rgya gar skad du/ d+harma tsakra pra brta na sU tra/ bod skad du/ chos kyi 'khor lo rab tu bskor ba'i mdo/ 'phags pa dkon mchog gsum la gus pas phyag 'tshal
172a₂ lo/ /'di skad bdag gis thos pa dus gcig na/ bcom ldan 'das yul bA rA Na sI'i drang srong lhung ba ri dgas rgyu ba'i gnas na bzhugs so/ /de nas bcom ldan 'das kyis dge slong lnga sde rnams bos te bka' stsal pa/ dge
172a₃ slong dag rab tu byung ba mtha' gnyis po 'di la gnas par mi bya'o/ /gang su dag 'dir 'dod pa rnams dang bde ba la zhen pa ni mi rigs pa dang dman par 'gyur ro/ /so so'i skye bo rnams ni don med pa dang ldan pa'i phyir gang su dag lus
172a₄ dub pa dang 'bral ba'i sdug bsngal bsngags par bya ba ma yin pa rnams kyi don med pa dang ldan no/ /dge slong dag 'di rnams ni mtha' gnyis kyi mtha' ste de la 'jug par mi bya'o/ /de bzhin gshegs pa mngon par rdzogs par sangs rgyas
172a₅ nas dbu ma'i lam 'di gsungs so/ /mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang / mya ngan las 'das pa la yang dag par 'jug go/ /dge slong dag de bzhin gshegs
172a₆ pas mngon par rdzogs par sangs rgyas nas gsungs pa'i dbu ma'i lam gang zhe na/ mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang / mya ngan las 'das pa la yang dag
172a₇ par 'jug go/ /dbu ma'i lam ni 'phags pa'i lam yan lag brgyad de/ brgyad po de ni 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang
172a₈ dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /dbu ma'i lam 'di yang de bzhin gshegs pa mngon par rdzogs par sangs rgyas nas gsungs so/ /mig byed pa dang /

_{iiif viewer powered by OpenSeadragon}

171b - 172b

Texts on this page