| e-texts navigator |
| བོད་ཡིག |
168b1 thams cad dang rab tu bral ba dang / dngos po med pa dang / dngos po thams cad dang bral ba dang / gang zag pa med pa dang / gang zag pa thams cad dang bral ba dang / ngo bo nyid kyis stong pa nyid la bslab par bya'o/ /rigs kyi bu chos
168b2 nyid dang chos kyi dbyings dang / de bzhin nyid dang / yang dag pa'i mtha' dang / ma nor ba de bzhin nyid dang / gzhan ma yin pa de bzhin nyid dang / bden pa dang / de kho na'i don la byang chub sems dpas bslab par bya'o/ /de nas bcom ldan
168b3 'das kyis byang chub sems dpa' nyi ma rab tu snang ba la 'di skad ces bka' stsal to/ /rigs kyi bu byang chub sems dpa'as yang chos thams cad mngon par 'du bya ba med pa dang / skye ba med pa la bslab par bya'o/ /rigs kyi bu
168b4 chos thams cad rang bzhin gyis rnam par dag pa la bslab par bya'o/ /gzugs la sogs pa'i chos thams cad kyang rang bzhin gyis stong par shes par bya'o/ /ngo bo nyid kyis dben par shes par bya'o/ /rigs kyi bu gang
168b5 dag gis shes rab kyi pha rol du phyin pa'i mdo 'dzin par byed na de las kyi sgrib pa byang bar 'gyur ro/ /de bsod nams kyi tshogs skye bar 'gyur ro/ /shes rab kyi tshogs tshad med pa dang ldan par 'gyur ro/ /dran pa dang ldan pa dang /
168b6 tshul khrims dang ldan par 'gyur ro/ /rigs kyi bu gzhan yang byang chub sems dpa' rnams kyis shes rab kyi pha rol du phyin pa la bslab par bya'o/ /de nas bcom ldan 'das kyis de'i tshe tshigs su bcad pa 'di dag gsungs so/ /
168b7 mang thos dam pa'i chos la brtson/ /sems can kun la byams par ldan/ /brtson 'grus go cha phun sum tshogs/ /bdag dang gzhan gyi don la mos/ /bsam gtan ting 'dzin bsgom la brtson/ /bdag dang sems can
168b8 'du shes med/ /yang dag theg pa'i lam du zhugs/ /sngon gyi rgyal sras de ltar spyod/ /mkhas pas ma nor de bzhin slob/ /bcom ldan 'das kyis de skad ces bka' stsal pa dang / byang chub sems
iiif viewer powered by OpenSeadragon
Texts on this page
J21 - 'phags pa shes rab kyi pha rol tu phyin pa nyi ma'i snying po'i theg pa chen po'i mdo