| e-texts navigator |
| བོད་ཡིག |
165a1 b+ha ga ba ti pra dz+nyA pA ra mi tA pany+tsA sha ti ka / bod skad du/ 'phags pa bcom ldan 'das ma shes rab kyi pha rol tu phyin pa lnga bcu pa/ /sangs rgyas dang / byang chub sems dpa' thams cad la phyag 'tshal lo/ /'di skad
165a2 bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong gi dge 'dun chen po dang / byang chub sems dpa'i dge 'dun chen po dang thabs gcig tu bzhugs te/ brgya byin dang / tshangs pa
165a3 dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / dge slong dang / dge slong ma dang / dge bsnyen dang / dge bsnyen ma du ma dag dang yang thabs
165a4 gcig go/ /de nas bcom ldan 'das kyis tshe dang ldan pa rab 'byor la bka' stsal pa/ rab 'byor gang la la zhig nyan thos kyi sa la slob par 'dod pa dang / rang sangs rgyas kyi sa la slob par 'dod pas shes rab kyi pha rol tu phyin pa 'di
165a5 nyid mnyan par bya/ gzung bar bya/ bcang bar bya/ klag par bya/ kun chub par bya'o/ /byang chub sems dpa' thabs la mkhas pa dang ldan pas sangs rgyas dang / byang chub sems dpa'i chos thams cad yang dag par bsgrub pa'i phyir
165a6 shes rab kyi pha rol tu phyin pa 'di nyid la mngon par brtson par bya'o/ /de ci'i phyir zhe na/ rab 'byor 'di ltar byang chub sems dpa' sems dpa' chen pos gang la bslab par bya ba dang / rnal 'byor du bya ba sangs rgyas dang byang chub sems
165a7 dpa'i chos thams cad shes rab kyi pha rol tu phyin pa 'di nyid du rgya cher bstan pa'i phyir ro/ /bla na med pa yang dag par rdzogs pa'i byang chub la slob par 'dod pas kyang shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ klag par
165a8 bya kun chub par bya'o/ /byang chub sems dpa' thabs la mkhas pa dang ldan pas sangs rgyas dang byang chub sems dpa'i chos thams cad yang dag par bsgrub pa'i phyir shes rab kyi pha rol tu phyin pa 'di nyid la mngon par brtson par bya'o/ /de ci'i phyir zhe na/ rab
iiif viewer powered by OpenSeadragon
Texts on this page
J19 - 'phags pa bcom ldan 'das ma shes rab kyi pha rol tu phyin pa lnga bcu pa