| e-texts navigator |
| བོད་ཡིག |
164a1 rigs kyi bu 'am/ rigs kyi bu mo gang gis stong gsum gyi stong chen po'i 'jig rten gyi khams na sa'i rdul rnams ji snyed yod pa de dag 'di lta ste dper na rdul phra rab kyi tshogs bzhin du phye mar byas na/ rab 'byor 'di ji
164a2 snyam du sems/ rdul phra rab kyi tshogs de mang ba yin nam/ rab 'byor gyis gsol pa/ bcom ldan 'das de de lta lags te/ rdul phra rab kyi tshogs de mang ba lags so/ /de ci'i slad du zhe na/ bcom ldan 'das gal te tshogs
164a3 shig mchis par gyur na bcom ldan 'das kyis rdul phra rab kyi tshogs shes bka' mi stsal ba'i slad du'o/ /de ci'i slad du zhe na/ bcom ldan 'das kyis rdul phra rab kyi tshogs shes gang gsungs pa de tshogs ma mchis par de bzhin
164a4 gshegs pas gsungs pa'i slad du ste/ des na rdul phra rab kyi tshogs shes bgyi'o/ /de bzhin gshegs pas stong gsum gyi stong chen po'i 'jig rten gyi khams shes gang gsungs pa de khams ma mchis par de bzhin gshegs pas
164a5 gsungs te/ des na stong gsum gyi stong chen po'i 'jig rten gyi khams shes bgyi'o/ /de ci'i slad du zhe na/ bcom ldan 'das gal te khams shig mchis par gyur na/ de nyid ril por 'dzin par 'gyur ba'i slad du'o/ /de
164a6 bzhin gshegs pas ril por 'dzin par gang gsungs pa de 'dzin pa ma mchis par de bzhin gshegs pas gsungs te/ des na ril por 'dzin pa zhes bgyi'o/ /bcom ldan 'das kyis bka' stsal pa/ rab 'byor ril por 'dzin
164a7 pa nyid ni tha snyad de/ chos de ni brjod du med pa yin na/ de yang byis pa so so'i skye bo rnams kyis bzung ngo / /rab 'byor gang la la zhig 'di skad du de bzhin gshegs pas bdag tu lta bar gsungs te/ de bzhin gshegs pas sems can du lta ba dang / srog
164a8 tu lta ba dang / gang zag tu lta bar gsungs so zhes zer na/ rab 'byor de yang dag par smra bas smra ba yin nam/ rab 'byor gyis gsol pa/ bcom ldan 'das de ni ma lags so/ /bde bar gshegs pa de ni ma lags so/ /de ci'i slad du zhe na/ bcom ldan 'das de
iiif viewer powered by OpenSeadragon
Texts on this page
J18 - 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo