| e-texts navigator |
| བོད་ཡིག |
163b1 rgyas so snyam du 'dzin na/ rab 'byor khyod kyis de ltar mi blta ste/ rab 'byor mtshan phun sum tshogs pas de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs
163b2 pa'i byang chub mngon par rdzogs par sangs rgyas pa med do/ /rab 'byor 'di ji snyam du sems/ byang chub sems dpa'i theg pa la yang dag par zhugs pa rnams kyis chos la la zhig rnam par bshig gam/ chad par btags pa
163b3 snyam du 'dzin na/ rab 'byor de ltar mi blta ste/ byang chub sems dpa'i theg pa la yang dag par zhugs pa rnams kyis chos gang la yang rnam par bshig pa'am/ chad par btags pa med do/ /yang rab 'byor rigs kyi bu 'am/
163b4 rigs kyi bu mo gang gis 'jig rten gyi khams gang gA'i klung gi bye ma snyed dag rin po che sna bdun gyis rab tu gang bar byas te sbyin pa byin pa bas/ byang chub sems dpa' gang zhig chos rnams bdag med cing skye ba med pa la bzod
163b5 pa thob na de nyid gzhi de las bsod nams kyi phung po ches mang du bskyed do/ /yang rab 'byor byang chub sems dpas bsod nams kyi phung po yongs su gzung bar mi bya'o/ /tshe dang ldan pa rab 'byor gyis gsol pa/ bcom ldan
163b6 'das byang chub sems dpas bsod nams kyi phung po yongs su gzung bar mi bgyi lags sam/ bcom ldan 'das kyis bka' stsal pa/ rab 'byor yongs su gzung mod kyis log par mi gzung ste/ des na yongs su
163b7 gzung ba zhes bya'o/ /rab 'byor gang la la zhig 'di skad du/ de bzhin gshegs pa bzhud dam/ byon tam/ bzhengs sam/ bzhugs sam/ /mnal ba mdzad do zhes de skad zer na/ des na ngas bshad pa'i don mi shes
163b8 so/ /de ci'i phyir zhe na/ rab 'byor de bzhin gshegs pa zhes bya ba ni gar yang ma bzhud/ gang nas kyang ma byon pa'i phyir te/ des na de bzhin gshegs pa dgra bcom pa yang dag par rdzogs pa'i sangs rgyas shes bya'o/ /yang rab 'byor
iiif viewer powered by OpenSeadragon
Texts on this page
J18 - 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo