| e-texts navigator |
| བོད་ཡིག |
155b1 gang yang ma mchis pa'i slad du ste/ des na phyir mi 'ong ba zhes bgyi'o/ /bcom ldan 'das kyis bka' stsal pa/ rab 'byor 'di ji snyam du sems/ yang dgra bcom pa 'di snyam du bdag gis dgra bcom pa nyid thob bo snyam du sems sam/ rab
155b2 'byor gyis gsol pa/ bcom ldan 'das de ni ma lags so/ /de ci'i slad du zhe na/ gang dgra bcom pa zhes bgyi ba'i chos de gang yang ma mchis pa'i slad du'o/ /bcom ldan 'das gal te dgra bcom pa 'di snyam du bdag gis dgra bcom
155b3 pa nyid thob bo snyam du sems par gyur na de nyid de'i bdag tu 'dzin par 'gyur ro/ /sems can du 'dzin pa dang / srog tu 'dzin pa dang / gang zag tu 'dzin par 'gyur ro/ /bcom ldan 'das bdag ni de bzhin gshegs pa dgra bcom pa yang
155b4 dag par rdzogs pa'i sangs rgyas kyis nyon mongs pa med par gnas pa rnams kyi mchog tu bstan te/ bcom ldan 'das bdag 'dod chags dang bral ba dgra bcom pa lags kyang / bcom ldan 'das bdag 'di snyam du bdag ni dgra
155b5 bcom pa'o snyam du mi sems so/ /bcom ldan 'das gal te bdag ni 'di snyam du bdag gis dgra bcom pa nyid thob bo snyam du sems par gyur na/ de bzhin gshegs pas bdag la rigs kyi bu rab 'byor ni nyon mongs pa med
155b6 par gnas pa rnams kyi mchog yin te/ ci la yang mi gnas pas na nyon mongs pa med par gnas pa nyon mongs pa med par gnas pa zhes lung mi ston to/ /bcom ldan 'das kyis bka' stsal pa/ rab 'byor 'di ji snyam du sems/
155b7 de bzhin gshegs pas de bzhin gshegs pa dgra bcom pa yang dag par rdzogs pa'i sangs rgyas mar me mdzad las gang blangs pa'i chos de gang yang yod dam/ rab 'byor gyis gsol pa/ bcom ldan 'das de ni ma lags te/ de bzhin
155b8 gshegs pas de bzhin gshegs pa dgra bcom pa yang dag par rdzogs pa'i sangs rgyas mar me mdzad las gang blangs pa'i chos de gang yang ma mchis so/ /bcom ldan 'das kyis bka' stsal pa/ rab 'byor byang chub sems dpa' gang la la
iiif viewer powered by OpenSeadragon
Texts on this page
J18 - 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo