| e-texts navigator |
| བོད་ཡིག |
154a1 de dag ni rab 'byor de bzhin gshegs pas mkhyen to/ /rab 'byor de dag ni de bzhin gshegs pas gzigs te/ rab 'byor sems can de dag thams cad ni bsod nams kyi phung po dpag tu med pa bskyed cing rab tu sdud par 'gyur/
154a2 de ci'i phyir zhe na/ rab 'byor byang chub sems dpa' sems dpa' chen po de dag ni bdag tu 'du shes 'jug par mi 'gyur zhing sems can du 'du shes pa ma yin/ srog tu 'du shes pa ma yin/ gang zag tu 'ang 'du shes 'jug par mi 'gyur
154a3 ba'i phyir ro/ /rab 'byor byang chub sems dpa' sems dpa' chen po de dag ni chos su 'du shes pa dang / chos med par yang 'du shes mi 'jug ste/ de dag ni 'du shes dang 'du shes med par yang 'jug par mi 'gyur ro/ /de ci'i phyir zhe na/
154a4 rab 'byor gal te byang chub sems dpa' sems dpa' chen po de dag chos su 'du shes 'jug na de nyid de dag gi bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur
154a5 ba'i phyir ro/ /gal te chos med par 'du shes 'jug na yang de nyid de dag gi bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur ba'i phyir ro/ /de ci'i phyir zhe na/ yang
154a6 rab 'byor byang chub sems dpas chos kyang log par gzung bar mi bya ste/ chos ma yin pa yang mi gzung ba'i phyir ro/ /de bas na de la dgongs te de bzhin gshegs pas chos kyi rnam grangs gzings lta bur shes pa rnams kyis
154a7 chos rnams kyang spang bar bya na chos ma yin pa rnams lta ci smos zhes gsungs so/ /gzhan yang bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ji snyam du sems/ de bzhin
154a8 gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ de bzhin gshegs pas chos gang yang bstan tam/ de skad ces bka' stsal nas/ bcom ldan 'das la tshe
iiif viewer powered by OpenSeadragon
Texts on this page
J18 - 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo