rKTs

e-texts navigator

Volume

Page

153b₁ lags te/ mtshan phun sum tshogs pas de bzhin gshegs par mi lta'o/ /de ci'i slad du zhe na/ de bzhin gshegs pas mtshan phun sum tshogs par gang gsungs pa de nyid mtshan phun sum tshogs pa ma mchis pa'i slad
153b₂ du'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor ci tsam du mtshan phun sum tshogs pa de tsam du brdzun no/ /ci tsam du mtshan phun sum tshogs pa med pa de
153b₃ tsam du mi brdzun te/ de ltar de bzhin gshegs pa la mtshan dang / mtshan med par blta'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ma 'ongs
153b₄ pa'i dus lnga brgya tha ma la dam pa'i chos rab du rnam par 'jig par 'gyur ba na sems can gang la la dag 'di lta bu'i mdo sde'i tshig bshad pa 'di la yang dag par 'du shes skyed par 'gyur ba lta mchis sam/ bcom ldan 'das kyis bka' stsal pa/
153b₅ rab 'byor khyod 'di skad du ma 'ongs pa'i dus lnga brgya tha ma la dam pa'i chos rab tu rnam par 'jig par 'gyur ba na sems can gang la la dag 'di lta bu'i mdo sde'i tshig bshad pa 'di la yang dag par 'du shes skyed par 'gyur ba mchis sam
153b₆ zhes ma zer cig / yang rab 'byor ma 'ongs pa'i dus lnga brgya tha ma la dam pa'i chos rab tu rnam par 'jig par 'gyur ba na byang chub sems dpa' sems dpa' chen po tshul khrims dang ldan pa/ yon tan dang ldan pa/ shes rab dang ldan pa
153b₇ dag 'byung ste/ rab 'byor byang chub sems dpa' sems dpa' chen po dag kyang sangs rgyas gcig la bsnyen bkur byas pa ma yin/ sangs rgyas gcig la dge ba'i rtsa ba bskyed pa ma yin gyi/ rab 'byor sangs rgyas brgya stong du ma la
153b₈ bsnyen bkur byas shing / sangs rgyas brgya stong du ma la dge ba'i rtsa ba dag bskyed pa'i byang chub sems dpa' sems dpa' chen po dag 'byung ngo / /gang dag 'di lta bu'i mdo sde'i tshig bshad pa 'di la sems dad pa gcig tsam rnyed par 'gyur ba

_{iiif viewer powered by OpenSeadragon}

153a - 154a

Texts on this page