| e-texts navigator |
| བོད་ཡིག |
153a1 ma med pa'i mya ngan las 'das pa'i dbyings su yongs su mya ngan las 'da'o/ /de ltar sems can tshad med pa yongs su mya ngan las 'das kyang sems can gang yang yongs su mya ngan las 'das par gyur pa med do snyam du sems
153a2 bskyed par bya'o/ /de ci'i phyir zhe na/ rab 'byor byang chub sems dpa' sems can du 'du shes 'jug na de byang chub sems dpa' zhes mi bya ba'i phyir ro/ /de ci'i phyir zhe na/ rab 'byor gang sems can du 'du shes 'jug gam/ srog tu 'du shes
153a3 sam/ gang zag tu 'du shes 'jug na de byang chub sems dpa' zhes mi bya ba'i phyir te/ yang rab 'byor byang chub sems dpas dngos po la mi gnas par sbyin pa sbyin no/ /chos la yang mi gnas par sbyin pa sbyin no/ /gzugs la'ang mi gnas par sbyin pa
153a4 sbyin no/ /sgra dang / dri dang / ro dang / reg bya dang / chos la yang mi gnas par sbyin pa sbyin no/ /rab 'byor ci nas mtshan mar 'du shes pa la'ang mi gnas pa de ltar byang chub sems dpas sbyin pa sbyin no/ /de ci'i phyir zhe na/ rab 'byor byang
153a5 chub sems dpa' gang mi gnas par sbyin pa sbyin pa de'i bsod nams kyi phung po ni rab 'byor tshad gzung bar sla ba ma yin pa'i phyir ro/ /rab 'byor 'di ji snyam du sems/ shar phyogs kyi nam mkha' tshad gzung bar sla 'am/ rab 'byor gyis
153a6 gsol pa/ bcom ldan 'das de ni ma lags so/ /bcom ldan 'das kyis bka' stsal pa/ de bzhin du lho dang / nub dang / byang dang / steng dang / 'og gi phyogs dang / phyogs mtshams dang / phyogs bcu'i nam mkha'
153a7 tshad gzung bar sla 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' gang mi gnas par sbyin pa sbyin pa
153a8 de'i bsod nams kyi phung po yang tshad gzung bar sla ba ma yin no/ /rab 'byor 'di ji snyam du sems/ mtshan phun sum tshogs pas de bzhin gshegs par blta 'am/ rab 'byor gyis gsol pa/ bcom ldan 'das de ni ma
iiif viewer powered by OpenSeadragon
Texts on this page
J18 - 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo