| e-texts navigator |
| བོད་ཡིག |
152a1 ma pra dz+nyA pA ra mi tA ma hA yA na sU tra/ bod skad du/ 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo/ sangs rgyas dang / byang chub sems dpa' thams
152a2 cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i
152a3 dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de nas bcom ldan 'das snga dro'i dus kyi tshe sham thabs dang chos gos bgos te/ lhung bzed
152a4 bsnams nas/ mnyan yod kyi grong khyer chen por bsod snyoms kyi phyir zhugs so/ /de nas bcom ldan 'das mnyan yod kyi grong khyer chen por bsod snyoms kyi phyir gshegs nas bsod snyoms kyi zhal zas mjug tu
152a5 gsol te/ zhal zas kyi bya ba mdzad/ lhung bzed dang chos gos bzhag nas zhal bsil te gdan bshams pa la skyil mo dkrung bcas nas sku drang por bsrang ste/ dran pa mngon du bzhag nas bzhugs so/ /de nas dge slong mang
152a6 po bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do/ /yang de'i tshe tshe dang ldan pa rab
152a7 'byor 'khor de nyid na 'dus par gyur te 'dug go/ /de nas tshe dang ldan pa rab 'byor stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal
152a8 mo sbyar ba btud de/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po rnams
iiif viewer powered by OpenSeadragon
Texts on this page
J18 - 'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo