rKTs

e-texts navigator

Volume

Page

145b₁ rjes su 'jug ste/ de'i phyir byang chub sems dpas mos pa'i gzugs las mos par bya ba'i gzugs kyi mtshan nyid gud na med par blta bar bya'o/ /gzhan du na mos par bya ba'i gzugs de ji lta ba bzhin du mtshan ma dang bcas pa'i
145b₂ lta ba'i mos pa'i gzugs kyang yang dag par byung ba ni ma gtogs so/ /de bas na don gzhan snang ngo / /de ltar mthong ba'i byang chub sems dpas mos par bya ba'i gzugs kyi 'du shes rnam par 'jig ste/ de 'di snyam du sems
145b₃ so/ /mos par bya ba'i gzugs yod na mos pa'i gzugs rigs par 'gyur gyi/ med na ni ma yin par rig nas gzugs la 'khrul pa'i sems dmigs te/ mos pa'i gzugs kyi 'du shes kyang rnam par 'jig go/ /de gzugs
145b₄ gnyis kyi 'du shes rnam par bshig cing gzugs kyi 'du shes thams cad gshig nas gzugs thams cad mi dmigs so/ /gzugs thams cad mi dmigs pas gzugs bas gzugs la 'khrul par dmigs so/ /
145b₅ gzugs la 'khrul par dmigs pas gzugs la 'khrul pa'i rgyu dmigs so/ /gzugs la 'khrul pa'i rgyu dmigs pas gzugs la 'khrul pa med pa'i chos yang dag par sgrub bo/ /gzugs la 'khrul pa med pa'i
145b₆ chos yang dag par sgrub pas gzugs la 'khrul pa med pa'i rgyu dmigs so/ /gzugs la 'khrul pa med pa'i rgyu dmigs pas gzugs la 'khrul pa med pa'i chos yang dag par sgrub bo/ /gzugs la 'khrul pa med pa'i chos
145b₇ yang dag par sgrub pas gzugs la 'khrul pa med pa'i rgyu 'thun pa'i chos yang dag par sgrub ste/ des gzugs la 'khrul pa dang / 'khrul pa med pa'i chos snga nas yang dag par bsgrubs pa yin no/ /de gzugs la 'khrul pa med pa'i
145b₈ chos dang 'khrul pa med pa'i rgyu 'thun pa'i chos la rten nas sangs rgyas kyi chos thams cad sgom mo/ /sems can rnams kyang yongs su smin par byed do/ /sangs rgyas kyi zhing yang yongs su sbyong ngo / /myur du bla na med pa yang dag par rdzogs

_{iiif viewer powered by OpenSeadragon}

145a - 146a

Texts on this page