rKTs

e-texts navigator

Volume

Page

140a₁ rnam par shes pa la mos la rnam par shes pa la sems de bskyod/ kun du bskyod/ rnam par bskyod na mos pa ngan pa'i byang chub sems dpar rig par bya'o/ /rab 'byor byang chub sems dpa' gzugs la sems
140a₂ mnyam par 'dod cing / sems de gzugs la mos pa na/ gzugs la sems mi 'dogs/ kun du mi 'dogs/ rnam par mi 'dogs na mos pa bzang po'i byang chub sems dpar rig par bya'o/ /rab 'byor byang chub sems
140a₃ dpa' tshor ba dang / 'du shes dang / 'du byed rnams dang / rnam par shes pa la sems mnyam par gzhag par 'dod cing sems de rnam par shes pa la mos pa na rnam par shes pa la sems mi 'dogs/ kun du mi 'dogs/ rnam
140a₄ par mi 'dogs na mos pa bzang po'i byang chub sems dpar rig par bya'o/ /rab 'byor byang chub sems dpa' gzugs la mtshan nyid med pa'i chos yongs su shes par bya ba dang / sdug bsngal rab tu zhi bar bya ba dang / mya ngan
140a₅ las 'das pa la gcig tu nges par bya ba'i phyir zhugs na/ yang dag par zhugs par rig par bya'o/ /byang chub sems dpa' de ltar yang dag par zhugs pa ni myur du bla na med pa yang dag par rdzogs pa'i byang chub mngon par
140a₆ rdzogs par 'tshang rgya'o/ /rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la mtshan nyid med pa'i chos yongs su shes par bya ba dang / sdug bsngal rab tu zhi
140a₇ bar bya ba dang / mya ngan las 'das pa la gcig tu nges par bya ba'i phyir zhugs na/ yang dag par zhugs par rig par bya'o/ /byang chub sems dpa' de ltar yang dag par zhugs pa ni myur du bla na med pa yang dag par
140a₈ rdzogs pa'i byang chub mngon par rdzogs par 'tshang rgya'o/ /mtshan nyid med par shes bya dang / /sdug bsngal zhi bar bya ba dang / zhi ba gcig tu nges byar bar/ byang chub sems dpa' sgrub par byed/ rab 'byor byang chub sems

_{iiif viewer powered by OpenSeadragon}

139b - 140b

Texts on this page