rKTs

e-texts navigator

Volume

Page

138b₁ 'gyur na nyan thos kyi theg pa 'am/ rang sangs rgyas kyi theg pas lta smos kyang ci dgos/ rab 'byor gang tshor ba dang / 'du shes dang / 'du byed rnams dang / rnam par shes pa la yang dag pa ma yin pa kun brtags pa tsam dang /
138b₂ 'khrul pa tsam du yang dag par rjes su mthong ba de rnam par shes pa la rnam par shes par mi dmigs so/ /gang rnam par shes pa la rnam par shes par mi dmigs pa de rnam par shes pa la rnam par shes par lta bar mi dmigs
138b₃ so/ /gang rnam par shes pa la rnam par shes par lta bar mi dmigs pa de rnam par shes pa la thams cad mi dmigs so/ /gang rnam par shes pa la thams cad mi dmigs pa de rnam par shes pa la thams cad dmigs so/ /
138b₄ gang rnam par shes pa la thams cad mi dmigs na thams cad dmigs pa de'i mi dmigs pa de yongs su grub pa yin no/ /de dmigs pa de la theg pa chen pos kyang nges par 'byung bar 'gyur na nyan thos kyi theg pa 'am/ rang sangs
138b₅ rgyas kyi theg pas lta smos kyang ci dgos/ rab 'byor byang chub sems dpa' gzugs la sgra ji bzhin du mngon par zhen te/ tha snyad du kun du spyod na 'jig tshogs la lta bar kun du spyod pa yin/ yang 'byung ba'i sred pa la
138b₆ kun du spyod pa yin/ 'jig pa yongs su tshol bar kun du spyod pa yin te/ gzugs yongs su mi shes pa'i rtags yin no/ /de bzhin du byang chub sems dpa' tshor ba dang / 'du shes dang / 'du byed rnams dang / rnam par shes
138b₇ pa sgra ji bzhin du mngon par zhen te/ tha snyad du kun du spyod na 'jig tshogs la lta bar kun du spyod pa yin / yang 'byung ba'i sred pa la kun du spyod pa yin/ 'jig pa yongs su tshol bar kun du spyod pa yin te/ rnam par shes pa
138b₈ yongs su mi shes pa'i rtags yin no/ /rab 'byor byang chub sems dpa' gzugs la sgra ji bzhin du mngon par zhen te/ tha snyad du kun du mi spyod na 'jig tshogs la lta bar kun du spyod pa ma yin / yang 'byung ba'i sred pa la kun du spyod

_{iiif viewer powered by OpenSeadragon}

138a - 139a

Texts on this page