rKTs

e-texts navigator

Volume

Page

136a₁ 'du shes dang / 'du byed rnams dang / rnam par shes pa ni sdug bsngal ba ste rab tu ma zhi ba'o/ /rnam par shes pa 'gog pa ni bde ba dang / zhi ba'o zhes de skad smra na de ni phyi rol pas kyang phyi rol zhes bya ba nas log
136a₂ par lta ba'i bar du'o zhes nga smra'o/ /rab 'byor gang yang gzugs ni med pa nyid do zhes de skad smra na de ni phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o/ /rab 'byor gang yang tshor ba dang / 'du
136a₃ shes dang / 'du byed rnams dang / rnam par shes pa ni med pa nyid do zhes de skad smra na de ni phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o/ /rab 'byor gang yang bcom ldan 'das kyis
136a₄ gzugs rang bzhin med pa dang / skye ba med pa dang / 'gag pa med pa dang / gdod ma nas zhi ba dang / rang bzhin gyis yongs su mya ngan las 'das par bstan pa gang yin pa'i bstan pa de thams cad ni ldem por dgongs pa ma yin pa
136a₅ dgongs pa ma yin pa ste/ sgra ji bzhin pa nyid du shes par bya'o zhes de skad smra na de ni phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o/ /rab 'byor gang yang bcom ldan 'das kyis tshor ba dang /
136a₆ 'du shes dang / 'du byed rnams dang / rnam par shes pa rang bzhin med pa dang / skye ba med pa dang / 'gag pa med pa dang / gdod ma nas zhi ba dang / rang bzhin gyis yongs su mya ngan las 'das par bstan pa gang yin pa'i bstan pa de
136a₇ thams cad ni ldem por dgongs pa ma yin pa/ dgongs pa ma yin pa ste/ sgra ji bzhin pa nyid du shes par bya'o zhes de skad smra na de ni phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o/ /
136a₈ rab 'byor gzugs ni yod de gang gzugs la mngon par zhen pa dang / skye ba dang / bstan par 'gyur ba'o/ /gzugs ni yod de gang gzugs la kun nas nyon mongs pa dang / gnas pa dang / 'jug par 'gyur ba'o/ /gzugs

_{iiif viewer powered by OpenSeadragon}

135b - 136b

Texts on this page