| e-texts navigator |
| བོད་ཡིག |
133b1 'di byin gyis brlabs pa'i snga ltas lags so/ /bcom ldan 'das kyis bka' stsal pa/ 'jam dpal de de bzhin no/ /'jam dpal 'di dag ni shes rab kyi pha rol du phyin pa bstan pa 'di byin gyis brlabs pa'i
133b2 snga ltas rnams te/ ltas 'di dag gis shes rab kyi pha rol du phyin pa bstan pa 'di byin gyis brlabs par shes par bya'o/ /'jam dpal gang dag chos gang yang mi spyod zhing mi zlog la bsngags par yang mi
133b3 byed pa de dang de dag ni phyag rgya 'dis btab par shes par bya'o/ /de ci'i phyir zhe na/ 'jam dpal dmigs pa yod na spong bar byed pa dang / bsngags par byed par 'gyur ba'i phyir ro/ /'jam dpal de lta bas na gang
133b4 dag rgya 'dis btab pa de dag gi ched du ngas rgya 'di bzhag ste/ 'di ltar de dag gis thos nas kyang chos gang la yang ston pa 'am rnam par rtogs pa med do/ /de ci'i phyir zhe na/ 'jam dpal chos thams cad don dam par ma skyes
133b5 pa'i phyir ro/ /bcom ldan 'das kyis de skad ces bka' stsal nas/ 'jam dpal gzhon nur gyur pa dang / byang chub sems dpa' sems dpa' chen po de dag dang / nyan thos chen po de dag dang / lha dang / mi dang / lha
133b6 ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /'phags pa shes rab kyi pha rol du phyin pa bdun brgya pa rdzogs s+ho// //
133b7 skad gsar chad kyis kyang bcos nas gtan la phab pa// // rgya gar skad du/ Ar+ya pany+tsa sha tI ka pradz+nyA pA ra mi tA/ bod skad du/ 'phags pa shes rab kyi pha rol tu phyin pa lnga brgya pa/ sangs rgyas dang byang
133b8 chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong gi dge 'dun chen po dang / byang chub sems
iiif viewer powered by OpenSeadragon
Texts on this page
J16 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo
J17 - 'phags pa shes rab kyi pha rol tu phyin pa lnga brgya pa