rKTs

e-texts navigator

Volume

Page

133a₁ rgyas kyi chos thams cad yongs su bsgrub par 'gyur bar bgyi ba'i bar gyi slad du brtson par bgyi'o/ /bcom ldan 'das shes rab kyi pha rol du phyin pa bstan pa 'di rigs kyi bu 'am/ rigs kyi bu mo dag gi rna lam
133a₂ du tshegs chung ngus grag la/ thos nas kyang mos pa dang / mos nas kyang 'dzin pa dang / kun chub par bgyid pa dang / 'chang ba'i bar du bgyid pa'i rigs kyi bu 'am/ rigs kyi bu mo de dag gis bdag cag gi 'di ni lhas
133a₃ bsgrubs pa'o zhes the tshom ma mchis par 'tshal bar bgyi'o/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /ko'u shi ka de de bzhin no/ /rigs kyi bu 'am
133a₄ rigs kyi bu mo de dag la sangs rgyas kyi chos thams cad 'grub par blta'o/ /de dag bla na med pa yang dag par rdzogs pa'i byang chub tu yang nges par shes par bya'o/ /de nas bcom ldan 'das la/ 'jam dpal gzhon
133a₅ nur gyur pas 'di skad ces gsol to/ /bcom ldan 'das rigs kyi bu'am/ rigs kyi bu mo de dag gi don du shes rab kyi pha rol du phyin pa bstan pa 'di byin gyis brlab tu gsol/ bde bar gshegs pa byin gyis
133a₆ brlab tu gsol/ tshig 'di smras ma thag tu de'i tshe skad cig de nyid la sangs rgyas kyi mthus sa chen po rnam pa drug tu g.yos par gyur to/ /sa chen po g.yos ma thag tu de nas de'i tshe bcom ldan 'das kyis 'dzum pa
133a₇ mdzad do/ /bcom ldan 'das kyis 'dzum pa mdzad ma thag tu de nas de'i tshe shes rab kyi pha rol du phyin pa bstan pa 'di la de bzhin gshegs pas byin gyis rlob pa na stong gsum gyi stong chen po'i 'jig rten gyi
133a₈ khams 'di snang ba chen pos khyab par gyur to/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das 'di ni de bzhin gshegs pas shes rab kyi pha rol du phyin pa bstan pa

_{iiif viewer powered by OpenSeadragon}

132b - 133b

Texts on this page