rKTs

e-texts navigator

Volume

Page

132b₁ dag shes rab kyi pha rol du phyin pa zab mo ma skyes pa dang / dngos po med pa dang / 'byung ba med pa'i bar 'di thos nas/ mi skrag mi dngang dngang bar mi 'gyur ba dag ni sangs rgyas kyi yul la gnas pa'o/ /gong du yang mos par byed na/ de
132b₂ dag ni sangs rgyas kyi chos thams cad la nges par 'gyur ro/ /'jam dpal ngas sangs rgyas kyi gnang ba de bzhin gshegs pas rnam par mkhyen pa/ dgra bcom pa thams cad kyis yang dag par mnos pa'i rgya 'di gzhag par bya
132b₃ ste/ rgya 'di ni mnyam pa nyid du rtogs pa rnams la gzhag go/ /'di ni sangs rgyas kyi chos thams cad kyi bar du yang chags pa med pa yongs su ston pa'o/ /'jam dpal byang chub sems dpa'i theg pa pa'i rigs kyi bu 'am/
132b₄ rigs kyi bu mo rgya 'dis btab pa ni ngan song du 'gro ba'i skal ba can ma yin no/ /nyan thos dang / rang sangs rgyas kyi sar 'gro ba dang / 'jug pa'i skal ba can ma yin no/ /de nas de'i tshe lha'i dbang po brgya byin dang / sum bcu rtsa gsum
132b₅ pa'i lha'i bu rnams kyis lha'i tsan dan gyi phye ma dang / lha'i gser gyi phye ma dang / lha'i me tog man dA ra ba dang / man dAr ba chen po dang / lha'i spos dang / lha'i uta pa la dang / ku mu da dang / pad ma dkar po dang / lha'i
132b₆ rol mo'i sgra dag gis shes rab kyi pha rol du phyin pa 'di la yang mchod cing bcom ldan 'das dang 'jam dpal gzhon nur gyur pa la yang gtor/ mngon par gtor nas 'di skad ces dge ba'i rtsa ba 'dis gang dag phyag rgya 'dis
132b₇ btab pa de dag gis bla na med pa'i chos rin po che 'di mchod pa dang / phyi phyir zhing thos par gyur cig ces smras so/ /lha'i dbang po brgya byin gyis kyang tshig 'di skad ces smras so/ /bcom ldan 'das bdag gis kyang ma
132b₈ byung ba dang / ma skyes pa'i bar gyi shes rab kyi pha rol du phyin pa zab mo 'di 'dzam bu'i gling 'dir spyod par 'gyur ba dang / rigs kyi bu 'am/ rigs kyi bu mo de 'dra ba de dag gi rna lam du grag par 'gyur ba nas de dag nyid sangs

_{iiif viewer powered by OpenSeadragon}

132a - 133a

Texts on this page