| e-texts navigator |
| བོད་ཡིག |
132a1 do zhes de ltar shes par 'dod pa'i rigs kyi bu 'am/ rigs kyi bu mos kyang shes rab kyi pha rol du phyin pa 'di nyid la dngos po med pa'i bar gyi tshul gyis bslab par bya'o/ /sems can thams cad ni byang chub kyi phyir
132a2 spyod pa ste/ gang byang chub kyi phyir mi spyod pa'i sems can de gang yang med do zhe na/ yang de la zhum pa med par 'dod pa'i rigs kyi bu 'am/ rigs kyi bu mos kyang shes rab kyi pha rol du phyin pa 'di nyid la dngos po med pa'i bar gyi tshul
132a3 gyis bslab par bya'o/ /de ci'i phyir zhe na/ 'di ltar chos thams cad ni byang chub dang mnyam pa'o/ /ji ltar chos thams cad byang chub dang mnyam pa dang / byang chub ji lta bar sems can thams cad kyang de bzhin no/ /sems can thams
132a4 cad ci 'dra bar med pa de yang de bzhin no/ /med pa'i phyir spyod pa thams cad ni spyod pa med pa'o/ /de yang byang chub ste byang chub gang yin pa skye ba med pa'ang de yin/ 'byung ba med pa yang de yin te/ de lta bu'i chos 'di la zhum pa
132a5 med par 'dod pa'i rigs kyi bu 'am/ rigs kyi bu mos kyang shes rab kyi pha rol du phyin pa 'di nyid la dngos po med pa dang / skye ba med pa'i bar gyi tshul gyis bslab par bya'o zhes gyis shig /'jam dpal gang de bzhin gshegs
132a6 pa'i rnam par 'phrul pa nas de bzhin gshegs pa'i rnam par rol pa'i bar de dag kyang shes rab kyi pha rol du phyin pa 'di nyid las bstan to/ /de ci'i phyir zhe na/ de ni bstan du med pa ste/ shes rab kyi pha rol du phyin pa ni mi ston pa'i phyir
132a7 ro/ /'jam dpal dge slong ngam/ dge slong ma'am/ dge bsnyen nam/ dge bsnyen ma gang dag shes rab kyi pha rol du phyin pa 'di las tshig bzhi pa'i tshigs su bcad pa tsam yang 'dzin pa dang / kun chub par byed pa dang / 'chang
132a8 ba dang / klog pa nas yang dag par ston pa'i bar du byed pa de dag kyang phyir mi ldog par nga 'chad na/ gang dag de bzhin nyid du sgrub pa lta ci smos te/ rigs kyi bu'am/ rigs kyi bu mo de dag ni byang chub tu nges par rig par bya'o/ /gang
iiif viewer powered by OpenSeadragon
Texts on this page
J16 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo