| e-texts navigator |
| བོད་ཡིག |
131a1 mnyan par 'dod na/ de'i phyir 'di ltar 'di lta ste dper na nam mkha' la bya'i rjes lta bur gnas par gyis shig dang / de lta bus chos bstan pa 'di mnyan par nus so/ /kye skyes bu gal te khyod kyis chos bstan pa
131a2 'di mnyan par 'dod na de'i phyir gnyis la ma dmigs shig / mi gnyis pa la yang ma dmigs shig /de ci'i phyir zhe na/ 'di la gnyis su brjod par bya ba yongs su brjod pa 'am/ mi gnyis par brjod par bya ba gang yang med pa'i
131a3 phyir ro/ /gal te chos bstan pa 'di mnyan par 'dod na bdag tu 'du shes rnams kyang ma gzhig shig /lta bar gyur pa rnams las kyang ma 'da' shig /sangs rgyas kyi chos rnams la yang lhag par ma dmigs shig /so so'i skye bo'i
131a4 chos rnams las kyang ma bskyod cig ces brjod par bgyi'o/ /bcom ldan 'das gang zhig bdag las nyan par 'tshal te 'dri na de la bdag gis de skad brjod par bya'o/ /de skad rjes su bstan par bgyi'o/ /de ltar 'di la gzhag par
131a5 bgyi'o/ /gal te 'dri ba'i rigs kyi bu'am/ rigs kyi bu mo de ltar gnas shing de ltar bzhugs na spobs pa'i phyag rgya 'di la gnas pa de la slad kyis shes rab kyi pha rol du phyin pa ma skyes pa dang / dngos po ma mchis pa dang /
131a6 ma byung ba'i bar 'di bstan par bgyi'o/ /de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal legs so legs so/ /'jam dpal khyod kyis
131a7 tshig 'di legs par smras pa legs so/ /rigs gyi bu'am/ rigs kyi bu mo de la yang phyis 'di skad gyis shig /de bzhin gshegs pa la blta bar 'dod na shes rab kyi pha rol du phyin pa 'di nyid la mi bsgom pa'i tshul gyis bsgom
131a8 par bya'o/ /de bzhin gshegs pa la bsnyen bkur bya bar 'dod pa'i rigs kyi bu 'am/ rigs kyi bu mos kyang shes rab kyi pha rol du phyin pa 'di nyid la mi dmigs pa'i tshul gyis bslab par bya'o/ /de bzhin gshegs pa ni bdag
iiif viewer powered by OpenSeadragon
Texts on this page
J16 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo