rKTs

e-texts navigator

Volume

Page

129a₁ ba med pa'i ro dang / dngos po med pa'i ro dang / 'dod chags dang bral ba'i ro dang / rnam par grol ba'i ro dang / 'gog pa'i ror ro gcig par ston par 'gyur ro/ /ting nge 'dzin 'di thob nas rigs kyi bu 'am/ rigs kyi bu mo de 'dod na ngas
129a₂ chos gang ci bstan pa de 'chad pa dang / rnam par ston pa dang / nye bar ston par 'gyur ro/ /'jam dpal de ltar na rigs kyi bu 'am/ rigs kyi bu mo de ting nge 'dzin 'di thob nas gang ci ston kyang de dag thams cad mi dmigs pa'i tshul du ma
129a₃ skyes pa dang / ma byung ba dang / dngos po med par ston par 'gyur ro/ /'jam dpal gzhan yang ting nge 'dzin 'di thob pa'i byang chub sems dpa' sems dpa' chen po myur du byang chub kyi phyogs kyi chos rnams yongs su rdzogs nas myur ba nyid
129a₄ du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /'jam dpal gzhan yang byang chub sems dpa' sems dpa' chen pos gang gi tshe bdag gi dbyings nas chos kyi dbyings kyi bar du skye
129a₅ ba dang / 'gag pa dang / gcig kho na dang / tha dad pa kho nar yang mi mthong na 'jam dpal de lta bu'i bzod pa can gyi byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs
129a₆ par 'tshang rgya'o/ /rigs kyi bu gang bla na med pa yang dag par rdzogs pa'i byang chub la mi sems pa dang / rnam par mi rtog pa de'i bzod pa 'di yang byang chub sems dpa'i chos rnams dang / sangs rgyas kyi chos rnams thob par 'gyur ba'o/ /gang
129a₇ yang sangs rgyas nyid kyi phyir byang chub tu mi smon pa de lta bu'i bzod pa 'di yang rigs kyi bu de bla na med pa yang dag par rdzogs pa'i byang chub tu myur bar 'gyur bar ngas bshad do/ /chos thams cad ni sangs rgyas kyi chos so zhes su de ltar mos
129a₈ shing zhum par mi 'gyur ba/ de bla na med pa yang dag par rdzogs pa'i byang chub las phyir mi ldog par ngas bshad de/ de ni sangs rgyas kyi chos thams cad dang ma bral bar brjod par bya'o/ /rigs kyi bu 'am rigs kyi bu mo gang gis bstan pa 'di

_{iiif viewer powered by OpenSeadragon}

128b - 129b

Texts on this page