| e-texts navigator |
| བོད་ཡིག |
128b1 'di skad du kye skyes bu nor bu rin po che 'di'i rin thang ji tsam/ nor bu rin po che 'di la yon tan ci zhig yod ces zer la/ mi des kyang de la 'di skad du kye skyes bu rin po che 'di'i yon tan tshad med kyis/ tshad med pa nyid du shes
128b2 par gyis shig ces smras te/ de nas mi des nor bu rin po che de byi dor bya ba'i phyir mi de la bzhag nas kye skyes bu nor bu rin po che 'di re shig byi dor gyis shig dang / de nas shes par 'gyur ro zhes byas la de nas mi des nor bu rin po che de mi
128b3 de las blangs te/ byi dor bya ba'i yo byad rnams kyis byi dor byas pa dang / de ltar byi dor byas pas nor bu rin po che de rin thang med de des ji lta ji ltar nor bu rin po che de'i byi dor byas pa de lta de ltar nor bu rin po che de'i yon tan mthong bar
128b4 'gyur ba de bzhin du 'jam dpal gang gi tshe rigs kyi bu 'am/ rigs kyi bu mo de ting nge 'dzin 'di la mnyam par 'jog pa dang / 'jug pa de dang de'i tshe ting nge 'dzin 'di'i yon tan mthong bar 'gyur ro/ /'jam dpal 'di lta ste
128b5 dper na nyi ma'i dkyil 'khor gyi 'od zer dag gis dkyil 'khor gyi mtha' gang yang ma khyab pa med do/ /'jam dpal de bzhin du bkod pa gcig pa'i ting nge 'dzin 'di thob cing zhugs nas rnyed pa de shes rab kyi pha rol du phyin pa ston pa
128b6 ma yin pa'i chos gang yang mi ston to/ /gang la las 'di bzhin du shes na des skye ba med pa dang / 'gal ba'i chos gang yang mi mthong ngo / /'jam dpal 'di lta ste dper na rgya mtsho chen po'i phyogs bzhi nas skyes bu bzhi chu 'chu
128b7 na de thams cad 'di lta ste lan tshwa'i ror ro gcig pa nyid 'chu 'ding len to/ /'jam dpal de bzhin du chos gang ci bstan pa de dag thams cad ni 'di lta ste skye ba med pa'i ro dang / dngos po med pa'i ro dang / 'dod chags dang bral
128b8 ba'i ro dang / rnam par grol ba'i ro dang / 'gog pa'i ror ro gcig pa'o/ /'jam dpal de lta bas na rigs kyi bu 'am/ rigs kyi bu mo ting nge 'dzin 'di dang ldan pa de chos gang dang gang ston kyang de dag thams cad 'di lta ste/ skye
iiif viewer powered by OpenSeadragon
Texts on this page
J16 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo