rKTs

e-texts navigator

Volume

Page

112b₁ de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das byang chub sems dpa' sems dpa' chen po gang dag shes rab kyi pha rol du phyin pa bstan pa 'di thos nas mos te mi skrag mi dngang
112b₂ dngang bar mi 'gyur ba de dag ni sangs rgyas nyid du blta bar bgyi'o/ /de ci'i slad du zhe na/ bcom ldan 'das sangs rgyas shes bgyi ba de ni don dam par na skye ba ma mchis pa'i tshig bla dgas lags pa'i slad du'o/ /de nas bcom ldan 'das
112b₃ la sring mo dmigs pa med pas 'di skad ces gsol to/ /bcom ldan 'das byang chub sems dpa' sems dpa' chen po gang dag shes rab kyi pha rol du phyin pa 'di thos nas mos te/ mi skrag mi dngang dngang bar mi 'gyur ba de dag ni so so'i
112b₄ skye bo'i chos rnams dang nyan thos kyi chos rnams dang rang sangs rgyas kyi chos rnams dang yang dag par rdzogs pa'i sangs rgyas kyi chos rnams la lhag par dmigs par mi 'gyur ba lags so/ /de ci'i slad du zhe na/ bcom ldan 'das
112b₅ 'di ltar chos thams cad ni ma mchis pa'i slad du mi dmigs pa ste/ de'i slad du de dag la dmigs pa ma mchis so/ /de nas bcom ldan 'das kyis tshe dang ldan pa shA ra dwa ti'i bu la bka' stsal pa/ de de bzhin no/ /shA ra dwa ti'i bu de de
112b₆ bzhin te/ rigs kyi bu 'am rigs kyi bu mo gang dag shes rab kyi pha rol du phyin pa zab mo bstan pa 'di thos nas mos te mi skrag mi dngang dngang bar mi 'gyur ba de dag ni byang chub tu nges par 'gyur ro/ /shA ra dwa ti'i bu rigs kyi
112b₇ b u 'am rigs kyi bu mo gang dag shes rab kyi pha rol du phyin pa bstan pa 'di thos nas mos te mi skrag mi dngang dngang bar mi 'gyur zhing spyi bos len pa de dag ni phyir mi ldog pa'i sa la gnas pa yin par khyod kyis shes par gyis
112b₈ shig / shA ra dwa ti'i bu gang dag shes rab kyi pha rol du phyin pa bstan pa 'di thos nas mos te mi skrag mi dngang dngang bar mi 'gyur ba de dang de dag ni sbyin bdag dam par 'gyur/ sbyin bdag chen por 'gyur/ sbyin bdag khyad par du

_{iiif viewer powered by OpenSeadragon}

112a - 113a

Texts on this page