| e-texts navigator |
| བོད་ཡིག |
109a1 ldan 'das gang so so'i skye bo'i chos rnams kyang mi spong la sangs rgyas kyi chos rnams kyang mi len pa de ni shes rab kyi pha rol du phyin pa sgom pa lags so/ /de ci'i slad du zhe na/ bcom ldan 'das 'di ltar shes
109a2 rab kyi pha rol du phyin pa sgom pa ni chos gang spong ba 'am blang bar dmigs pas chos gang la yang mi gnas pa'i slad du'o/ /bcom ldan 'das gang 'khor ba'i skyon du yang mi mchi la/ mya ngan las 'das pa'i yon tan du
109a3 yang mi mchi ba de shes rab kyi pha rol du phyin pa sgom pa lags so/ /de ci'i slad du zhe na/ bcom ldan 'das 'di ltar 'khor ba nyid kyang mi mthong na 'khor ba'i skyon lta smos kyang ci 'tshal/ mya ngan las 'das pa nyid mi
109a4 dmigs na mya ngan las 'das pa'i yon tan lta smos kyang ci 'tshal te/ bcom ldan 'das gang chos gang la yang blang ba 'am gzung ba 'am dor ba ma mchis pa de shes rab kyi pha rol du phyin pa sgom pa lags so/ /
109a5 bcom ldan 'das gang chos gang la yang 'grib pa dang 'phel ba mi dmigs pa de shes rab kyi pha rol du phyin pa sgom pa lags so/ /de ci'i slad du zhe na/ bcom ldan 'das skye ba ma mchis pa la 'grib pa dang 'phel ba ma
109a6 mchis pa'i slad du'o/ /bcom ldan 'das gang de ltar sgom pa de shes rab kyi pha rol du phyin pa sgom pa lags so/ /bcom ldan 'das gang chos gang yang skye ba 'am 'gag par mi bgyid pa de shes rab kyi
109a7 pha rol du phyin pa sgom pa lags so/ /bcom ldan 'das gang chos gang la yang 'grib pa 'am rgyas par mi bgyid pa de shes rab kyi pha rol du phyin pa sgom pa lags te/ bcom ldan 'das gang de ltar sgom pa de shes rab kyi pha
109a8 rol du phyin pa sgom pa lags so/ /bcom ldan 'das gzhan yang bsam gyis mi khyab pa'i chos la yang mi smon cing nyi tshe ba la yang mi smon gyi/ bcom ldan 'das gang la smon pa dang / gang gis smon pa de nyid kyang ma mchis
iiif viewer powered by OpenSeadragon
Texts on this page
J16 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo