| e-texts navigator |
| བོད་ཡིག |
108b1 ji skad bya/ 'jam dpal gyis gsol pa/ bcom ldan 'das de skad 'dri ba de la bdag gis 'di skad du skye ba med pa bsam gyis mi khyab pa gang du gtogs par gtogs so zhes bgyi'o/ /bcom ldan 'das kyis bka' stsal pa/ 'jam
108b2 dpal gal te yang la la zhig khyod la 'di skad du/ sems can gyi khams ci la gnas zhes 'dri na/ de la khyod kyis ji skad bya/ 'jam dpal gyis gsol pa/ bcom ldan 'das de skad 'dri ba de la bdag gis 'di skad du/ skye ba med
108b3 pa'i khams ci la gnas pa de la sems can gyi khams kyang gnas so zhes bgyi'o/ /bcom ldan 'das kyis bka' stsal pa/ 'jam dpal khyod gang gi tshe shes rab kyi pha rol du phyin pa sgom pa de'i tshe/ ci la gnas te shes rab
108b4 kyi pha rol du phyin pa sgom/ 'jam dpal gyis gsol pa/ bcom ldan 'das gang gi tshe bdag shes rab kyi pha rol du phyin pa sgom pa de'i tshe mi gnas par shes rab kyi pha rol du phyin pa sgom pa lags so/ /bcom ldan 'das kyis
108b5 bka' stsal pa/ 'jam dpal mi gnas pa la shes rab kyi pha rol du phyin pa la bsgom du yang ci yod/ 'jam dpal gyis gsol pa/ bcom ldan 'das gang ci la yang mi gnas pa de nyid shes rab kyi pha rol du phyin pa sgom pa
108b6 lags so/ /bcom ldan 'das kyis bka' stsal pa/ 'jam dpal khyod gang gi tshe/ shes rab kyi pha rol du phyin pa la sgom pa de'i tshe khyod kyis dge ba'i rtsa ba 'phel ba 'am 'bri bar 'gyur/ 'jam dpal gyis gsol pa/
108b7 bcom ldan 'das de'i tshe bdag gi dge ba'i rtsa ba 'phel ba 'am/ 'bri bar 'gyur ba ci yang ma mchis so/ /bcom ldan 'das gang las chos 'ga' zhig 'phel ba 'am 'bri ba mchis na/ de ni shes rab kyi pha rol du
108b8 phyin pa sgom pa ma lags te/ bcom ldan 'das gang yang chos 'ga' zhig 'phel ba'i slad du 'am/ 'bri ba'i slad du nye bar gnas pa de ni shes rab kyi pha rol du phyin pa sgom pa ma lags par rig par bgyi'o/ /bcom
iiif viewer powered by OpenSeadragon
Texts on this page
J16 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo