rKTs

e-texts navigator

Volume

Page

107b₁ gyur pa la 'di skad ces bka' stsal to/ /'jam dpal khyod kyis de ltar bltas na ci zhig mthong / 'jam dpal gyis gsol pa/ bcom ldan 'das bdag gis de ltar bltas na/ ci yang mthong ba ma mchis so/ /bcom
107b₂ ldan 'das de bzhin du bdag gis chos gang la yang skye ba yang ma mthong / 'gog pa yang ma mthong ngo / /de nas tshe dang ldan pa shA ra dwa ti'i bus 'jam dpal gzhon nur gyur pa la 'di skad ces smras so/ /'jam dpal khyod kyis
107b₃ de bzhin gshegs pa la de ltar mthong ba dang / de ltar bsnyen bkur byas pa gang yin pa dang / khyod kyi byams pa chen po sems can thams cad la nye bar gnas kyang khyod la sems can du dmigs pa dang / sems can du mngon par
107b₄ zhen pa ci yang med cing sems can thams cad yongs su mya ngan las 'da' ba'i phyir zhugs kyang khyod la sems can du mngon par zhen pa gang yang mi 'byung ba dang / khyod mi dmigs pa'i tshul dang dngos po med pa'i tshul dang sgyid lug
107b₅ pa med pa'i tshul gyis sems can thams cad kyi ched du go cha bgos pa de ni khyod dka' ba byed pa'o/ /de skad ces smras pa dang / 'jam dpal gzhon nur gyur pas/ tshe dang ldan pa shA ra dwa ti'i bu la 'di skad ces smras so/ /btsun pa shA
107b₆ ra dwa ti'i bu ji skad smras pa de de bzhin te/ sems can thams cad yongs su mya ngan las 'da' ba'i phyir go cha 'di yang bgos te/ bdag la sems can du dmigs pa 'am/ sems can la mngon par zhen pa gang yang med do/ /btsun pa shA
107b₇ ra dwa ti'i bu go cha de ni 'di ltar bdag gis sems can gyi khams bri ba 'am gang bar bya zhes de ltar ma bgos so/ /btsun pa shA ra dwa ti'i bu yongs su brtag pa nye bar bzung ste/ gal te sangs rgyas kyi zhing re re na gang gA'i klung gi
107b₈ bye ma snyed kyi sangs rgyas bcom ldan 'das rnams bzhugs shing de bzhin gshegs pa de dag so so nas nyin mtshan du chos ston te/ gang gA'i klung gi bye ma snyed kyi bskal par bzhugs par gyur la/ gang gA'i klung gi bye ma snyed kyi sangs

_{iiif viewer powered by OpenSeadragon}

107a - 108a

Texts on this page