| e-texts navigator |
| བོད་ཡིག |
106b1 lhags te 'dus par mkhyen nas bdag gi pho brang nas byung ste pho brang gi phyi rol phyogs gcig tu gdan bting ba la bzhugs so/ /bzhugs nas kyang bcom ldan 'das kyis mkhyen bzhin du tshe dang ldan pa sha ra dwa ti'i bu la bka' stsal
106b2 pa/ shA ra dwa ti'i bu khyod ci'i phyir zhogs pas 'ongs te de bzhin gshegs pa'i pho brang gi sgo na 'dug /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan
106b3 'das thams cad kyi thog ma nyid du 'jam dpal gzhon nur gyur pa de bzhin gshegs pa'i pho brang gi chab sgor mchis so/ /bdag ni bcom ldan 'das la blta bar 'tshal ba'i slad du slad kyis mchis so/ /de nas bcom ldan
106b4 'das kyis mkhyen bzhin du 'jam dpal gzhon nur gyur pa la bka' stsal pa/ 'jam dpal khyod de bzhin gshegs pa la blta ba dang phyag bya ba dang bsnyen bkur bya ba'i phyir thams cad kyi thog ma nyid du de bzhin
106b5 gshegs pa'i pho brang gi sgor 'dug pa bden nam/ de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das de de lta lags/ bde bar gshegs
106b6 pa de de lta lags te/ bdag de bzhin gshegs pa la blta ba dang phyag bgyi ba dang / bsnyen bkur bgyi ba'i slad du thams cad kyi thog ma nyid rang gi gnas nas byung ste/ de bzhin gshegs pa'i pho brang ga la ba der mchis nas
106b7 phyogs gcig tu mchis so/ /de ci'i slad du zhe na/ bcom ldan 'das 'di ltar bdag ni de bzhin gshegs pa la blta ba dang / phyag bgyi ba dang bsnyen bkur bgyi bas ma ngoms pa'i slad du'o/ /bcom ldan 'das 'di ltar bdag de bzhin gshegs pa la
106b8 blta ba dang phyag bgyi ba dang bsnyen bkur bgyi ba'i slad du mchis pa de yang sems can thams cad kyi don gyi slad du ste/ bcom ldan 'das gal te de bzhin gshegs pa la blta ba dang phyag bgyi ba dang bsnyen bkur bgyi ba ji ltar bdag gis
iiif viewer powered by OpenSeadragon
Texts on this page
J16 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo