rKTs

e-texts navigator

Volume

Page

106a₁ @#/ /rgya gar skad du/ Ar+ya sab ta sha ti kA nA ma pra dz+nyA pA ra mi tA ma hA yA na sU tra/ bod skad du/ 'phags pa shes rab kyi pha rol du phyin pa bdun brgya pa zhes bya ba theg pa chen po'i mdo/ bam po dang po/ sangs rgyas dang byang chub
106a₂ sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong stong thams pa'i dge slong gi dge 'dun chen
106a₃ po dang thabs gcig tu bzhugs so/ /byang chub sems dpa' sems dpa' chen po go cha chen po bgos pa sa ya thams cad kyang bla na med pa yang dag par rdzogs pa'i byang chub las phyir mi ldog pa sha stag la 'di lta ste/ 'jam dpal
106a₄ gzhon nur gyur pa dang / byams pa dang / spobs pa thogs med dang / brtson pa mi 'dor dang / de dag la sogs pa byang chub sems dpa' sa ya dang yang thabs gcig go/ /de nas 'jam dpal gzhon nur gyur pa
106a₅ de bzhin gshegs pa la blta ba dang / phyag bya ba dang / bsnyen bkur bya ba'i phyir skya reng shar ba'i dus kyi tshe rang gi gnas nas byung ste/ de bzhin gshegs pa'i pho brang ga la ba der song nas phyin pa dang pho brang gi sgo'i phyi rol na
106a₆ 'dug go/ /de nas tshe dang ldan pa shA ra dwa ti'i bu yang bcom ldan 'das la blta ba dang phyag bya ba dang / bsnyen bkur bya ba'i phyir rang gi gnas nas byung ste/ de bzhin gshegs pa'i pho brang ga la ba der song ngo / /de nas tshe dang
106a₇ ldan pa byams ma'i bu gang po dang / tshe dang ldan pa maud gal gyi bu chen po dang / tshe dang ldan pa 'od srung chen po dang / tshe dang ldan pa kA t+yA'i bu chen po dang / tshe dang ldan pa gsus po che dang / de dag thams cad dang gzhan yang
106a₈ nyan thos chen po rnams rang rang gi gnas nas byung ste/ bcom ldan 'das kyi pho brang ga la ba der dong nas phyin pa dang phyogs gcig tu 'khod do/ /de nas bcom ldan 'das kyis nyan thos chen po rnams 'ongs shing

_{iiif viewer powered by OpenSeadragon}

105b - 106b

Texts on this page