rKTs

e-texts navigator

Volume

Page

182b₁ dag pa nyid dang / bden pa kho na dang / ma nor ba nyid dang / phyin ci ma log pa nyid ces bya ba'i bar du gsungs so/ /'di ltar yang rten cing 'brel par 'byung ba 'di gnyis kyi phyir 'byung
182b₂ ste/ gnyis gang zhe na/ 'di lta ste/ rgyu dang 'brel pa dang / rkyen dang 'brel pa'i phyir ro/ /de yang phyi'i dang / nang gi dang rnam pa gnyis su blta'o/ /de la phyi rol gyi rten cing 'brel par
182b₃ 'byung ba rgyu dang 'brel pa gang zhe na/ 'di lta ste/ sa bon las myu gu/ myu gu las 'dab ma/ 'dab ma las sdong bu/ sdong bu las sbu bu/ sbu bu las snying po/ snying po las me tog /me
182b₄ tog las 'bras bu'o/ /sa bon med na myu gu mi 'byung ste/ me tog med na 'bras bu'i bar du'ang mi 'byung ngo / /sa bon yod na myu gu mngon par 'grub par 'gyur te/ de bzhin du me
182b₅ tog yod na 'bras bu'i bar du mngon par 'grub par 'gyur ro/ /de la sa bon ni 'di snyam du bdag gis myu gu mngon par bsgrub po snyam du mi sems so/ /myu gu yang 'di snyam du
182b₆ bdag ni gyis mngon par bsgrubs so snyam du mi sems so/ /de bzhin du me tog kyang 'di snyam du bdag gis 'bras bu mngon par bsgrub po snyam du mi sems pa'i bar du
182b₇ ste/ 'bras bu yang 'di snyam du bdag ni me tog gis mngon par bsgrubs so snyam du mi sems mod kyi/ 'on kyang sa bon yod na myu gu mngon par 'grub cing 'byung bar 'gyur ba

_{iiif viewer powered by OpenSeadragon}

182a - 183a

Texts on this page