| e-texts navigator |
| བོད་ཡིག |
159b1 'phags pa lha'i bu rab rtsal sems kyis zhus pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis
159b2 thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin kyi kun dga' ra ba na dge slong khri'i dge slong gi dge 'dun chen po dang / 'jig rten
159b3 gyi khams gzhan dag nas 'dus pa'i byang chub sems dpa' stong phrag rab tu mang po dang / 'dod pa na spyod pa dang / gzugs na spyod pa'i lha'i bu rnams dang / de las gzhan pa'i lha'i bu
159b4 rnams dang / klu'i rgyal po rgya mtsho la sogs pa klu'i 'khor mang po rnams dang / gnod sbyin gyi rgyal po lus ngan la sogs pa gnod sbyin gyi 'khor mang po rnams dang / nam mkha' lding gi rgyal
159b5 po stobs chen la sogs pa nam mkha' lding gi 'khor mang po rnams dang / lha ma yin gyi dbang po sgra gcan la sogs pa lha ma yin gyi 'khor mang po rnams dang / mi 'am ci'i rgyal po ljon pa la
159b6 sogs pa mi 'am ci'i 'khor mang po rnams dang / lto 'phye chen po'i dbang po lag bzang la sogs pa lto 'phye chen po'i 'khor mang po rnams dang / rgyal po chen po bzhi 'khor dang bcas pa rnams
159b7 dang / lha'i dbang po brgya byin lha'i bu stong phrag mang po'i 'khor dang bcas pa dang / mi mjed kyi bdag po tshangs pa tshangs ris kyi lha'i bu 'bum phrag du ma'i 'khor dang bcas pa dang / rgyal po
iiif viewer powered by OpenSeadragon
Texts on this page
H162 - 'phags pa lha'i bu rab rtsal sems kyis zhus pa zhes bya ba theg pa chen po'i mdo