| e-texts navigator |
| བོད་ཡིག |
222a1 chos kyi dbang phyug go /sems la dbang byed pa'o/ /bstan bcos dang yi ge thams cad kyi dam pa'i pha rol tu phyin pa'o/ /byang chub dang thams cad mkhyen pa
222a2 nyid ni| de'i sems kyi grogs byed pa'o/ /sbyin pa'i pha rol tu phyin pa ni/ de'i gos dang / zas dang / skom dang / bza' ba'i bya ba byed pa'o/ /tshul khrims kyi pha rol tu phyin pa ni/
222a3 de'i dus tshigs kyi bde ba byed pa'o/ /bzod pa'i pha rol tu phyin pa ni/ de'i thams cad las mi 'jigs par byed pa'o/ /brtson 'grus kyi pha rol tu phyin pa ni/ de'i legs par bya
222a4 ba'i las byed pa'o/ /bsam gtan gyi pha rol tu phyin pa ni/ de'i 'gyod pa med par byed pa dang / nye bar zhi bar byed pa'o/ /shes rab kyi pha rol tu phyin pa ni/ de'i chos thams
222a5 cad yongs su dag par byed pa'o/ /thabs la mkhas pa'i pha rol tu phyin pa ni/ de'i gnyi ga'i don byed pa'o/ /smon lam gyi pha rol tu phyin pa ni/ de'i ci 'dod pa'i don yang dag par
222a6 thob par byed pa'o/ /stobs kyi pha rol tu phyin pa ni/ de'i nyon mongs pa thams cad rnam par 'joms par byed pa'o/ /ye shes kyi pha rol tu phyin pa ni/ de'i dus gsum la ye shes
222a7 thogs pa med par byed pa'o/ /byams pa ni/ de'i sems can thams cad kyi phan pa sgrub par byed pa'o/ /snying rje ni/ de'i sems can thams cad la sdug bsngal sel bar byed pa'o//
iiif viewer powered by OpenSeadragon
Texts on this page
H154 - 'phags pa klu'i rgyal po rgya mtshos zhus pa zhes bya ba theg pa chen po'i mdo