rKTs

e-texts navigator

Volume

Page

69b₁ lnga gang zhe na/ chos thams cad gnyen po med pa/ ma skyes pa dang / ma 'gags pa dang / brjod du med par mos pa dang / lhun gyis grub cing rnams par mi rtogs par
69b₂ de bzhin gshegs pa'i spyod pa dang / spyod lam dang / bya ba dang / 'jug pa dang / gnas 'dzam bu'i gling gi rdul phra rab kyi rdul las kyang ches lhag pa rnams sems can gyi
69b₃ bsam pa'i dbang gi/ skad cig skad cig la rtag du 'jug par mos pa dang / seng ge mdangs bzangs kyi rtogs pa brjod pa las gang sems can yongs su smin par byas pa de/
69b₄ bskal pa gang ga'i klung gi bye ma rnyed nas/ bcom ldan 'das shAkya thub pa mngon par rdzogs par sangs rgyas nas/ bstan par mos pa dang / mar me mdzad nas bzung
69b₅ ste/ mngon par rdzogs pa'i byang chub pa de'i bar du/ bcom ldan 'das shAkya thub pa'i byang chub sems dpa' spyod pa gang yin pa de/ sangs rgyas kyi yul gyi bskal pa mu med
69b₆ pa nas mngon par rdzogs par sangs rgyas nas/ bstan par mos pa dang / gang shAkya thub pas bstan pa/ sems can yongs su smin par byas pa de yang / bcom ldan 'ad
69b₇ shAkya thub pas/ sangs rgyas kyi yul gyi bskal pa mu med pa nas/ mngon par rdzogs par sangs rgyas nas/ bstan par mos pa'o zhes gsung so// 'di dag pas kyang
69b₈ gang dag byang chub du sems bskyed pa'i sems can de dag ni shin du rnyed par dka'o// byang chub du sems bskyed par dka' ba ci mngon zhe na/ mdo mang pos las thos te/

_{iiif viewer powered by OpenSeadragon}

69a - 70a

Texts on this page