rKTs

e-texts navigator

Volume

Page

166b₁ rigs kyi bu byang chub kyi sems ni sangs rgyas kyi chos thams cad kyi sa bon lta bu'o// 'gro ba thams cad kyi chos dkar po rnam par byed pas// zhing lta bu'o//
166b₂ 'jig rten thams cad brtan pas sa lta bu'o// dbul ba thams cad yang dag par gcod pas rnam thos kyi bu lta bu'o// byang chub sems dpa' thams cad
166b₃ yongs su bsrung bas pha lta bu'o// don thams cad yang dag par bsgrub pas yid bzhin gyi nor bu'i rgyal po lta bu'o// bsam pa thams cad yongs su rdzogs par
166b₄ byed par bum pa bzang po lta bu'o// nyon mongs pa'i dgra pham par bya ba la mdung thung lta bu'o// tshul bzhin ma yin pa la byed pa 'gegs pas go cha lta bu'o//
166b₅ nyon mongs pa'i mgo ltung bar byed pas ral gri lta bu'o// nyon mongs pa'i shing gcod pas sta re lta bu'o// rtse ba thams cad la skyob pas mtshon cha lta bu'o// /
166b₆ 'khor ba chu'i nang na gnas pa steng du 'byin pas mchil ma lta bu'o// sgrib pa dang khebs pa'i rtsa thams cad rnam par 'thor bas rlung gi dkyil lta bu'o// /
166b₇ byang chub sems dpa'i spyod pa dang / smon lam thams cad bsdus pa'i phyir mdor bstan pa lta bu'o// lha dang mi dang lha ma yin du bcas pa'i 'jig rten la
166b₈ mchog rten pas mchod rten lta bu'o// rigs kyi bu de ltar byang chub kyi sems ni yon tan de dag dang / yon tan gyi bye brag tshad med pa gzhan dang yang ldan no//

_{iiif viewer powered by OpenSeadragon}

166a - 167a

Texts on this page