| e-texts navigator |
| བོད་ཡིག |
166a1 theg pa'i mchog yin te// des ni 'dren pa nges par 'byung // de phyir blo dang ldan pa'i mi// dad pa'i rjes su 'brang ba sten//
166a2 mA dad pa yi mi yi ni/ dkar po'i chos rnams mi skye ste// sa bon me yi tshig pa las/ myug sngon po ji bzhin zhes 'byung ngo // de bas na 'phags pa rgya
166a3 cher rol pa'i mdo las bstan te// kun dga' bo dad pa la sbyor bar gyis shig/ 'di ni de bzhin gshegs pa la gsol ba 'debs pa'o// zhes 'byung ngo //
166a4 de skad du seng ges zhus pa las kyang // dad pas mi khom spong bar 'gyur// zhes bka' stsal pa yin no// de ltar dad pa'i rtsa ba brtan par byas la// bsod
166a5 nams thams cad bsdu ba'i phyir/ byang chub kyi sems btan par bya'o// seng ges zhus pa las ji skad 'byung ba bzhin te// bcom ldan 'das la rgyal
166a6 bu seng ges zhus pa// chos rnams thams cad bsdu ba ni// chos gang gis na thob par 'gyur// gang dang gang du skyes pa der// byang chub sems dpa'
166a7 dga' ba thob// bcom ldan 'das kyis bka' stsal pa/ sems can thams cad thar bar bya ba'i phyir/ byang chub don du sems btud pa// des ni chos
166a8 rnams thams cad thob// des ni dga' ba 'ang thob par 'gyur// zhes 'byung ngo // de skad du 'phags pa sdong por bkod pa'i mdo las kyang brjod de//
iiif viewer powered by OpenSeadragon
Texts on this page
F272 - bslab pa kun las btus pa