| e-texts navigator |
| བོད་ཡིག |
27a1 shin tu bsil bar gyur to// de nas bcom ldan 'das kyis byang chub sems dpa' glog thob la bka' stsal pa/ glog thob 'das pa'i de bzhin/
27a2 gshegs pa dgra bcom pa yang dag par rdzogs pa'i sangs rgyas rnams 'dir chos kyi rnam grangs 'di lta bu gsungs so// ma byon pa'i de bzhin gshegs pa rnams 'jig rten du byung
27a3 ba'i tshe yang / gnas 'dir chos kyi rnam grangs 'di lta bu gsungs par 'gyur ro// 'jig rten gyi khams tshad med grangs med pa dag na/ da ltar bzhugs pa'i de bzhin gshegs pa
27a4 rnams kyang / chos kyi rnam grangs 'di rgyun mi 'chad par mdzad pa'i phyir 'od zer chen po 'gyed par mdzad do// de nas tshe dang ldan pa kun dga' bo stan las langs te/ bla gos phrag
27a5 pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to//
27a6 bcom ldan 'das chos kyi rnam grangs 'di'i ming ci lags/ bdag gis ji ltar yongs su gzung bar bgyi/ bcom ldan 'das kyis bka' stsal pa/ kun dga' bo chos kyi rnam
27a7 grangs 'di ni mi zad pa'i gter bstan pa zhes bya'o// chos thams cad dbyer med pa'i mtshan nyid bstan pa zhes kyang bya ste/ khyod kyi de ltar ming yongs su gzung bar bya'o// bcom
27a8 ldan 'das kyis de skad ces bka' stsal nas/ byang chub sems dpa' glog thob dang / tshe dang ldan pa kun dga' bo dang / 'khor bzhi po rnams dang / lha dang / mau dang / lha ma
iiif viewer powered by OpenSeadragon
Texts on this page
F67 - 'phags pa glog thob kyis zhus pa zhes bya ba theg pa chen po'i mdo