| e-texts navigator |
| བོད་ཡིག |
9'a1 smras na ni/ bdag gi ming gang tshangs pa dang / tshangs pa chen po dang / dbang phyug dang / byed pa po dang / 'byin pa po dang / sprul pa po zhes
9'a2 bya nga'i ming der yang mi 'gyur ro// 'on te bu 'am bu mo sbyin no zhes smras na ni/ gang gi tshe bdag la dbang med na ji ltar sbyin par bya snyam du de ltar sems te/ lha'i dbang po
9'a3 brgya byin la gsang ste smras pa/ ko'u shi ka kho ba ni 'jig rten gyis ma phyung la/ kho bos kyang 'jig rten ma phyung ngo // des smras pa/ tshangs pa chen po gal te de ltar lags na/
9'a4 'on kyang rang gi gnas su gzigs la/ gal te 'chi ba'i chos can 'ga' zhig mchis na/ de bram ze shing sa la chen po'i khyim der nying mtshams sbyor ba len du stsol cig/
9'a5 tshangs pas smras pa/ ko'u shi ka ci'i phyir khyod kyi gnas su mi lta/ brgya byin gyis smras pa/ gnas 'di na ni lha rnams dbang chung bar grags pa lags la/ bram ze de ni dbang
9'a6 che bar grags pa lags pas/ der dbang chung bar grags pa nyid kyis nying mtshams sbyin pa len par mi bzod do// de nas tshangs pas gnang nas rang gi gnas su son no/
9'a7 de na tshangs pa zhig tshe zad de snga ltas byung ba mthong nas/ des de la smras pa/ grogs po gal te khyod sdug pa'i gnas nas 'chi 'pho bar byed na/ nying mtshams sbyor bar 'dras/
9'a8 de'i phyir grong khyer shing n+ya gro d+ha can du/ bram ze shing sa la chen po lta bu n+ya gro d+ha'i khyim du nying mtshams sbyor ba long shig dang khyod yo byad dag gis mi brel bar 'gyur ro//
iiif viewer powered by OpenSeadragon