rKTs

e-texts navigator

Volume

Page

5b₁ brnab sems dang / /gnod sems lta ba ngan pa'i chom rkun dang / /yod pa'i sdig dang nye ba'i sdig pa dang / /gsod 'khu dbang po mngon par zhen pa ste/ /chom rkun lnga pa lnga po 'di dag gis/ /rin po che ni rtag tu 'phrog par byed/ /shin tu bza' dang btung ba sna
5b₂ tshogs dang / /longs spyod du ma'i chom rkun de dag gis/ /brtson 'grus ldan du zin kyang bag med cing / /brgyal bar gyur pa nyid la 'phrog par byed/ /rang nyid kyis ni yongs su ma brtags par/ /rin thang chen por gyur pa yin ma yin/ /shes par bya phyir g.yon
5b₃ can gzhan la ston/ /de yi tshig gis rin chen 'dor bar byed/ /gang dag rin chen bzang po rig pa rnams/ /rin chen chen po yongs su rtog tu gzhug /de dag rnams kyi rnam dag tshig gis ni/ /rang gi rin chen rnam par shes par bya/ /rdzogs sangs rgyas dang byang chub
5b₄ sems rnams dang / /pha dang ma dang bu mo sring mo dang / /bu dang spun zla 'dod pa'i chung ma yi/ /gzugs rnams dag gis bdud ni bgegs byed do/ /de phyir bla ma dam pas gnang ba yi/ /lam bzang rin chen dag ni slob ma yis/ /chom rkun rtsa lag yongs su btang
5b₅ byas te/ /'bad pas shin tu legs par sba bar bya/ /dpa' bo'i rim pa bdag byin brlab pa yi/ /rim pa dag kyang thar pa'i lam ma yin/ /shin tu rnam dag rim pa gcig pu ni/ /thar pa'i slad du sangs rgyas rnams kyis bstan/ /mtshams med lnga po dag ni byas
5b₆ pa rnams/ /dbang don bde ba nyid ni gang zhig gis/ /thabs dang shes rab bdag nyid rgyud dag la/ /rgyal ba'i dbang pos yang dag gzung bar gyur/ /dpa' bo'i rim pa phyi rol la min te/ /lus la srog zad nyid la 'di gsungs so/ /bdag byin brlab pa dag
5b₇ ni stong pa la/ /khams gsum po ni mthong bar gyur pa'i mtshan/ /'khor ba snying po med de zad gyur pa/ /de las skyes bu'i sangs rgyas nyid 'bras te/ /chu shing gi ni 'bras bu smin pa dang / /chu shing nyams pas yang dag 'byung ba bzhin/ /sdig pa dang ni shing

_{iiif viewer powered by OpenSeadragon}

5a - 6a

Texts on this page