rKTs

e-texts navigator

Volume

Page

4b₁ ni thams cad mkhyen pa'i gsung ma yin/ /mchog tu mi 'gyur bzhi pa de nyid ni/ /sangs rgyas rnams kyi shes rab ye shes te/ /gang zhig de ni slar yang de bzhin 'di/ /rang gi phyag rgya chen mor rgyal bas gsungs/ /shes rab 'grogs las gang gi dkar po
4b₂ zag / de yi bde ba ci yis 'phel bar 'gyur/ /dpyid dang 'grogs la me tog ma rgyas pa/ /ltung ba tsu ta'i 'bras bu ci yis 'byung / /gang gis 'gyur med ma thob sdug bsngal can/ /de ni 'gyur ba dang bcas bde ba tshol/ /thams cad chu ni tshol byed tsA ta ka /
4b₃ skom par gyur kyang sa la gnas pa min/ /'khor ba yi ni bde ba mi rtag pa/ /'thob pa min yang rmongs chen tshol bar byed/ /yang dag rgyal srid bde ba thob pa yang / /thar pa'i don du mkhas pas 'dor bar byed/ /ji ltar lo yi mtshams su rgya lam na/ /
4b₄ zas can 'khrig pa'i bde ba tshol/ /rdo yi phye ma dag gi kha zas can/ /phug ron rnams ni rtag tu byed pa ste/ /lan cig rtag tu khu ba ltung ba'i phyir/ /gnyis ka la yang mchog gi bde ba med/ /de bzhin dka' thub can dang 'dod ldan la/ /rmi lam sad pa dag las
4b₅ 'dzag phyir ro/ /ji ltar gnyid log la yang sbrul gyi ni/ /sos btab mi 'tsho de bzhin dka' thub pa/ /khu bsdud pa med phyir stobs med ma'i/ /skye gnas de yis nyams par byas pa'o/ /ji ltar rdo dreg skud pa'i gos dag ni/ /me yis bsregs pa nyid kyis dag
4b₆ 'gyur ba/ /de bzhin skyes bu rnams kyi dam pa yi/ /sems ni shes rab ye shes dag gis so/ /ji ltar dngul chu me yis reg pa las/ /'bros par byed kyi g.yo ba med mi 'gyur/ /de bzhin thabs dang bral ba'i khu ba ni/ /rtag tu skye gnas reg pa dag las so/ /
4b₇ ji ltar g.yo ba de yang sman sogs kyi/ /stobs kyis me dang phrad pas yang dag 'ching / /de bzhin khu ba shin tu rnal 'byor gyis/ /shes rab dag dang yang dag phrad pas so/ /ji ltar me ni shing la rtag gnas kyang / /gcad dang dbye ba'i thabs kyis mi mthong ste/ /gtsub

_{iiif viewer powered by OpenSeadragon}

4a - 5a

Texts on this page