rKTs

e-texts navigator

Volume

Page

4a₁ la ni dpal ldan rdo rje theg pa'i 'grel bshad rtag tu mnyan pa ste/ shes rab rlung gi dar gyis myur 'gro myang 'das pha rol don gnyer chen po rnams/ /dam pa'i bde bas myur du rgal bar byed slad de ni lam gyi 'dren ma dang / /nyon mongs bdud tshogs
4a₂ 'joms pa mkhas pa'i yang dag ye shes yid bzhin nor bu ste/ /'jig rten gsum gyi bdag po nyid ster 'di ni kun du ston par byed pa'o/ /gang zhig phung po la sogs sgrib pa rab bcom yul ni pra phab brgyad lta bu/ /kun mkhyen bde ster de nyid gcig pu rdo rje 'dzin
4a₃ pa'i phyag rgya chen mo ste/ /de bor sangs rgyas nyid slad nor la chags shing 'khyog po'i snying ldan brtags ma dag /gang gis sten byed rnam brtags blo can de yis de yang 'pho ba thob par byed/ /'dod chags nyams las sdig ste gang phyir shin tu sdug ma las ni zhe
4a₄ sdang skye/ /sdang las gti mug 'di las rang gi rdo rje lhung las sems ni rtag rmongs te/ /mchog min ma lus bza' dang btung ba la sogs yul gzhan dag la rab tu 'jug /de yis sems la co dris bde ba nyams shing skye ba drug tu 'khor bar 'gyur/ /kun mkhyen
4a₅ lam don gnyer ba rnams la sgra dang sgra min rnam dpyad chen po med/ /sna tshogs yul skad ngan pa yis kyang chen po rnams kyi lam la rtag tu 'jug /sems can rnams kyi mos pa'i sems kyi dbang gis thams cad mkhyen pa'i gsung gzhan la/ /lung ston dag la lha
4a₆ klus bkod pa'i sgra sogs rtsod pa don gnyer rnams kyi gzhan/ /yul gyi skad dang zur chag sgra las kyang / /rnal 'byor ldan pas don ni 'dzin byed de/ /chu la 'o ma nges par zhugs pa de/ /ngang pas rab tu phyung nas 'thung bar byed/ /don dam de nyid yul la rtag
4a₇ tu ni/ /chen po rnam dag tshig la rton pa min/ /yul gyi ming rnams kyis ni don shes la/ /bstan bcos sgra dag gis ni ci zhig bya/ /gang zhig zur chag sgra dang sgrar gyur pas/ /brjod pa de nyid ye shes ma yin zhing / /gang zhig 'gro ba dag la nyi tshe ba/ /de

_{iiif viewer powered by OpenSeadragon}

3b - 4b

Texts on this page