| e-texts navigator |
| བོད་ཡིག |
241b1 drug po rnams su 'og tu 'gro ba las steng du 'gro ba zhes bya ba'i spyod pa de ni 'dod pa'i dngos grub ces pa phyag rgya chen po'i dngos grub ste de rab tu ster ba po'o/ /phyi rol du yang de bzhin gshegs pa lnga'i rigs can gyi bud med rnams 'dzin pa ni bud med kyi spyod pa ste bud med
241b2 kyi spyod pa de rnams la srub pa ni tshangs par spyod pa'o/ /de bzhin du zhal ni rnal 'byor pas bya'o zhes dang / de bzhin du byang chub sems kyi 'thab mo ni rtsa'i kun du spyod pa zhes pa steng du khu ba 'gro bar bya'o zhes pa rtsa ba'i rgyud las nges pa ste rtsa ba'i spyod pa'i nges pa'o/ /'dir
241b3 nyi shu rtsa lnga lhag pa'i brgya'i rjes la tshigs su bcad pa bzhi ni go sla'o/ /da ni zhi ba la sogs pa'i don du lha bsgom pa gsungs pa dkar po zhes pa la sogs pa ste 'dir bcom ldan 'das dus kyi 'khor lo dpa' bo gcig pa'am shes rab dang thabs kyi bdag nyid dam lnga'i
241b4 bdag nyid la sogs par gsungs pa ni zhal la sogs pa'i dbye ba rnams kyis zhi ba la sogs par 'gyur ro/ /gang gi tshe zhi ba byed pa de'i tshe rnal 'byor pas sku'i zhal gtso bor byas nas zla ba'i dkyil 'khor la kha dog dkar po dpral bar gnas pa bsgom par bya ste dkar po
241b5 yis ni zhi dang rgyas pa byed do/ /gsung gi zhal gtso bo nyi ma'i dkyil 'khor la mgrin par gnas pa yid la bsgoms par gyur na dmar po yis ni dgug pa dang dbang du bya ba byed do/ /ye shes kyi zhal gtso bo dus me'i dkyil 'khor la lte bar gnas pa bsgoms pa ser
241b6 pos rengs pa dang rmongs pa byed do/ /snying khar sgra gcan gyi dkyil 'khor la thugs kyi zhal gtso bo ste nag pos bsad pa dang bskrad pa dang dbye ba yang byed do/ /de bzhin du 'byung ba rnams kyi dkyil 'khor la gnas lha min lag 'gro'i rigs 'di bsgoms pa yis ni
241b7 bsgrub par bya zhes pa la lha min dang lag 'gro rnams kyi rigs rnam pa brgyad de rigs de nyid bsgrub par bya'o/ /mkha' lding du 'chad par 'gyur ba ni 'dir rgyas par ma byas so/ /sgom dang bzlas pa de bzhin nyid du rang gi yid la byed ces pa ni zhal gcig phyag gnyis
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba