rKTs

e-texts navigator

Volume

Page

241a₁ sems zhes pa byang chub kyi sems 'gro ste tshes kyi dbang gis so/ /slar yang gtsug tor nas ni rkang pa g.yas pa'i sor mo rnams su slar yang 'di ni 'gro ste nag po'i phyogs kyi tshes kyi dbang gis ji srid nag po'i phyogs kyi mtha' ru zhes pa gnam
241a₂ stong gi mthar ro/ /de ltar nag po'i phyogs kyi mthar ni byang chub kyi sems rkang pa'i mthe bo la rig par bya'o/ /slar yang zla ba gzhan gyi dkar po'i phyogs la g.yon gyi mthe bo la sngar bzhin no/ /de la smras pa/ tshes dang po la ni sor mo'i tshigs dang por
241a₃ ro/ /gnyis pa la ni gnyis par ro/ /gsum pa la ni gsum par ro/ /bzhi pa la ni g.yon gyi long bu'i mtshams su'o/ /lnga pa la ni pus mo'i mtshams su'o/ /drug pa la ni brla dang dpyi'i mtshams su'o/ /bdun pa la ni g.yon gyi lag pa'i sor mo'i
241a₄ tshigs dang po'i mtshams su'o/ /brgyad pa la ni bar ma'i mtshams su'o/ /dgu pa la ni gsum pa'i mtshams su'o/ /bcu pa la ni mkhrig ma'i mtshams su'o/ /bcu gcig pa la ni gru mo'i mtshams su'o/ /bcu gnyis pa la ni phrag pa dang dpung pa'i
241a₅ mtshams su'o/ /bcu gsum pa la ni snying khar ro/ /bcu bzhi pa la ni mgrin par ro/ /nya la ni dpral bar ro/ /nya'i mthar ni khu ba gtsug tor du 'gyur ro/ /slar yang nag po'i tshes dang po la ni dpral bar ro/ /gnyis pa la ni mgrin par ro/ /gsum pa
241a₆ la ni snying khar ro/ /bzhi pa la ni g.yas pa'i phrag pa dang dpung pa'i mtshams su'o/ /lhag ma ni g.yon pa bzhin lugs las bzlog pa ste rkang pa g.yas pa'i sor mo'i sen mo'i mtha' la gnam stong gi mtha' ji srid par byang chub kyi sems so/ /rnal 'byor pa rnams
241a₇ s pyod pa gang de nyin zhag so so'i dus su 'dod pa'i dngos grub rab ster ba zhes pa ni 'dir g.yon dang g.yas kyi rtsa la rab tu 'bab pa'i dbang gis g.yon dang g.yas su bgrod pa'i byang chub kyi sems dus thams cad du dbu mar rab tu 'bab pas gsang ba la sogs pa'i pad+ma

_{iiif viewer powered by OpenSeadragon}

240b - 241b

Texts on this page