| e-texts navigator |
| བོད་ཡིག |
240a1 bya ba'i 'khor lo rnams la'o/ /de ltar gshegs su gsol ba byas te de nas thun mtshams gsum la sngar gsungs pa'i cho gas gtor ma sbyin par bya'o/ /sngar gyi cho gas bdud rtsi lnga sbyang ba byas nas des bdag nyid tshim par bya'o/ /de ltar skyed pa'i
240a2 rim pa dang rdzogs pa'i rim pas dus kyi 'khor lo'i sgrub thabs bcom ldan 'das 'jam dpal gyis gsungs so/ /da ni rnal 'byor gyi spyod pa gsungs pa rnal 'byor pa zhes pa la sogs pa ste 'dir rnal 'byor pa rnams kyis rnal 'byor gyi spyod pa rnam pa gnyis te gcig
240a3 ni phyi'i dang gnyis pa ni nang gi'o/ /de la phyi'i gang yin pa de 'jig rten pa'i 'bras bu'i rgyu dang nang gi gang yin pa de 'jig rten las 'das pa'i 'bras bu'i rgyur rnal 'byor pas bya'o/ /'dir rnal 'byor pa yis nyin dang mtshan mor srog gcod pa dag bya ba de ni thams cad
240a4 mkhyen pa'i 'bras bu thob pa'i slad du rang gi lus la srog nyams pa la gsungs kyi phyi rol du srog gcod pa ni ma yin no/ /'dir phyi rol du gdul dka' 'dul ba'i slad du srog gcod par gsungs pa gang yin pa de ni de rnams kyi srog rnal 'byor gyi stobs kyis bkug pa slar
240a5 yang lus de nyid la rnal 'byor pas gzhug par bya'o/ /de ltar na gdul dka' 'dul ba por 'gyur te gdul dka' mthar byed pa ni ma yin no zhes grub po/ /sgra ni gang zhig zhal gyis dman pa dag ces pa ni 'dir thams cad mkhyen pa'i gsung thams cad kyi skad sems
240a6 can thams cad kyi snying la rang rang gi skad gzhan gyis 'gyur ba gang yin pa de nyid ni rab tu mi gnas pa ste sems can thams cad kyi skad yin pa nyid kyi phyir ro/ /rab tu mi gnas pa nyid kyi phyir du smra bar gsungs so/ /phyi rol du yang sems can gyi don gyi slad du sgyu
240a7 'phrul chen mo drag chen mo/ /'byung dang sdud par byed pa mo zhes pa la sogs pa'i gsung ni gdul bya'i don du'o/ /de bzhin du/ dbang po gnyis skyes pa de de nyid/ /sangs rgyas nyid kyi 'bras bu ster/ /skyes pa rdo rje 'dzin rnam pa/ /bud med rdo rje btsun
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba