| e-texts navigator |
| བོད་ཡིག |
23a1 lo gnyis pa la sems can rnams kyi dngos grub kyi rgyu'i slad du dkyil 'khor gyi 'khor lo dang rdzu 'phrul bstan nas sprul pa'i skus gang nas byon pa de nyid du longs spyod rdzogs pa'i skus gshegs so/ /de nas lha'i dbang gis lo brgya'i bar du rgud ston
23a2 pa mdzad de/ de bzhin du gzi brjid can dang / zla bas byin dang / lha'i dbang phyug dang / sna tshogs gzugs dang / lha'i dbang ldan gyis kyang ngo / /nam mkha'i snying po'i sprul pa'i sku lha'i dbang ldan 'di'i lha mo sna tshogs yum gyi mngal du 'jam dpal rgyal
23a3 po grags par gyur te byang chub sems dpa' seng ge'i khri de la lo brgya'i bar du chos bstan to/ /de nas lo brgya rdzogs pa'i rjes la de bzhin gshegs pas lung bstan pa'i byin gyi rlabs kyi stobs kyis/ /drang srong rnams yongs su smin pa'i dus su gzigs shing mngon
23a4 par shes pa lnga'i stobs kyis yang dag pa'i lam thob par mkhyen nas nges pa ster bar bzhed pa'i rgyal po grags pas thams cad bos par gyur to/ /ka lA pa'i grong gi lho phyogs na ma la ya'i skyed mos tshal te rgyar dpag tshad bcu gnyis pa ka lA pa'i grong dang mnyam pa'o/ /
23a5 de'i shar phyogs na nye ba'i yid kyi mtsho rgyar dpag tshad bcu gnyis pa'o/ /nub phyogs na pad+ma dkar po'i mtsho tshad de dang 'dra'o/ /mtsho de gnyis kyi bar na ma la ya'i skyed mos tshal lo/ /ma la ya'i skyed mos tshal gyi dbus na rgyal po zla ba bzang pos mdzad pa bcom
23a6 ldan 'das dus kyi 'khor lo'i dkyil 'khor gyi 'khor lo ste rin po che lnga'i rang bzhin lha dang lha mo'i bdag nyid yongs su grub pa gru bzhi pa/ rgyar khru bzhi brgya yod pa/ phyi rol du sku'i dkyil 'khor gru bzhi pa/ sgo bzhi pa/ rta babs bzhi dang dur khrod brgyad kyis
23a7 brgyan pa/ rab lngas bskor ba/ phyi rol dus la sogs pa'i dkyil 'khor bzhi dang / rdo rje phreng bas brgyan pa ste rdo rje phreng ba'i mthar thug pa'i rgyar ni khru brgyad brgya'o/ /sku'i dkyil 'khor gyi phyed kyi tshad dbus su gru bzhi pa ni gsung gi dkyil 'khor te gru bzhi pa/ sgo
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba