rKTs

e-texts navigator

Volume

Page

237a₁ can bcu po rnams gcig nyid du sna tshogs gzugs la bsam gtan pa'o/ /srog rtsol dag kyang ral gri can no zhes pa 'du byed kyi phung po ste rnam pa bcu ni g.yon dang g.yas kyi dkyil 'khor bcu po gcig tu 'dres par gyur pa nyid kyi phyir ro/ /slar yang
237a₂ rnam pa bcu ste 'dzin pa phyag na rin chen no zhes pa ni tshor ba'i phung po ste srog gi 'dzin pa lte ba dang snying ga dang mgrin pa dang dpral ba dang gtsug tor gyi pad+ma la 'gro ba dang 'ong ba'i dbye bas rnam pa bcu'o/ /g.yung mo la ni rjes su dran pa pad+ma 'dzin par 'gyur zhes pa 'du
237a₃ shes kyi phung po ste g.yung mo dbu ma'i rtsa la rjes su dran pa de yang rnam pa bcu ste 'dod pa'i gnas skabs bcu'i dbye ba las so/ /dpal ldan ting 'dzin 'khor lo can zhes pa rnam par snang mdzad de ting 'dzin rnam pa bcu ni rlung bcu po rnams 'gog pa'i phyir ro/ /de ltar bcom
237a₄ ldan 'das ni rab tu mi gnas pa'i mya ngan las 'das pa ste rlung rnams mi 'bab pa gang gi phyir ro zhes pa'i don to/ /re re dbye ba lnga rnams kyis te zhes pa ni 'dir sbyor ba re re ni dkyil 'khor lnga 'bab pa'o/ /a sogs ka sogs rnams kyis zhes pa ni dbyangs dang gsal byed
237a₅ g.yon dang g.yas kyi srog yang dag par rgyu ba 'gog pas so/ /da ni so sor sdud pa la sogs pa'i mtshan nyid gsungs so sor zhes pa la sogs pa ste/ 'dir so sor sdud pa zhes bya ba ni lus la yul dang yul can bcu po rnams kyi 'brel pas rnam par shes pa rab tu
237a₆ 'jug pa med pa ste stong pa'i gzugs kyi yul rnams la mig gzhan la sogs pa rnam pa lnga po rnams kyis rab tu 'jug pa'o/ /de bzhin du gzugs de nyid la shes rab ces pa ni lta ba'o/ /rtog pa zhes pa ni dngos po 'dzin pa'o/ /dpyod pa zhes pa ni de'i don nges
237a₇ par byed pa'o/ /dga' ba zhes pa ni gzugs la chags pa'o/ /g.yo med bde ba zhes pa ni gzugs dang lhan cig sems gcig tu byed pa'o/ /de ltar gzung ba dang 'dzin pa'i dbye bas bsam gtan rnam pa bcu'o/ /'dir srog rtsol dag kyang lam ni gnyis po zhes

_{iiif viewer powered by OpenSeadragon}

236b - 237b

Texts on this page