rKTs

e-texts navigator

Volume

Page

236a₁ le rnams dang chu skyes ro mnyam gyur pa sgom pa sgrub par 'gyur te snying ga dang lte ba dang gsang bar thig le rnams gnas pa'o zhes pa'i don te de ltar na sgrub pa'o/ /de nas sgrub pa chen po ni shes rab sbyar la gang gi tshe 'pho ba med pa'i bde bar 'gyur ba
236a₂ de'i tshe nges par sgrub pa chen po ste phra mo'i rnal 'byor dag las zhes pa nges pa'i don gyis shin tu yid bzang ma'i rtsa'i steng du khu ba yang dag par sbyor ba las sgrub pa chen por gsungs te/ drang ba'i don du ni shes rab kyi chos 'byung gi sna'i rtse mor yungs kar la sogs
236a₃ pa'o zhes pa nges pa'o/ /de ltar sgrub pa chen por 'gyur ro/ /da ni dman pa dang mchog gi dbye bas bsnyen pa la sogs pa gsungs pa/ dang por zhes pa la sogs pa ste 'dir skyed pa'i rim pa la dang por stong nyid byang chub ces pa ni srog chags rnams shi ba'i mthar
236a₄ phung po yongs su dor nas skye ba'i cha shas can gyi phung po 'dzin pa las bar gang yin pa stong pa nyid kyi skad cig ma gcig po srid pa gsum mthong ba ni stong ba zhes gsungs te nges par ni gdon mi za bar ro/ /skad cig de'i phyi nas zla ba thig le dag ni yang dag 'dzin zhes pa
236a₅ 'dir kun gzhi'i rnam par shes pas ma'i mngal du khu ba'i thig le rnams 'dzin pa zhes bya ba ni yang dag 'dzin pa'o/ /de'i 'og tu khu ba la sogs pa bzung ba de nas gzugs ni bskyed pa zhes bya ba ni zla ba bdun gyis mngal rdzogs pa ste lus rdzogs pa'o zhes pa'i don to/ /
236a₆ de nas rab mchog ro yi rigs rnams dag gis zhes pa phung po drug po rnams kyis mig la sogs pa rnams kyi yi ge dgod pa ste gzugs la sogs pa'i yul la rab tu 'jug pa'o/ /de bzhin du lha'i sgrub thabs la yang las dang po pas brtags pa'i bdag nyid bsgom
236a₇ par bya'o/ /chu yi gter gyi rdo rje 'di ni spyi yi bsnyen par 'gyur te zhes pa sku dang gsung dang thugs dang ye shes kyi rdo rje rdzogs pa rnams kyis sgrub pa dag ni dbu ma yang ste srog rdzogs pa'o/ /'di la thabs ni rnam bzhir 'gyur te zhes pa ni bsnyen pa'i yan lag dang nye bar sgrub

_{iiif viewer powered by OpenSeadragon}

235b - 236b

Texts on this page