| e-texts navigator |
| བོད་ཡིག |
235b1 rnams zos pas bsnyen pa'o/ /nang du bdud rtsi lnga ni phung po lnga ste/ sogs pa'i sgras dbang po lnga po sgron ma lnga'o/ /de rnams la ltos pa med pa ni bsnyen pa ste/ lus dang rdzas la sred pa yongs su spangs pa'o/ /bsnyen pa des lha rnams mchog
235b2 ster bar 'gyur gyi bshang ba la sogs pa zos pas ni ma yin no/ /chu gter rdo rje rnams dang zhes pa ni lus kyi longs spyod la ltos pa med pa dang / ngag gi longs spyod la ltos pa med pa dang / sems kyi longs spyod la ltos pa med pa dang / 'pho ba'i bde
235b3 ba la ltos pa med pa ni bsnyen pa ste lus dang / ngag dang / sems dang / tshangs par spyod pa'i sdom pa'o zhes pa'i don to/ /'dis lha rnams mchog ster bar 'gyur gyi srid pa'i longs spyod la zhen pas ni ma yin no/ /sngags kyi bzlas pa sogs kyis zhes pa
235b4 la 'dir sngags kyi bzlas pa zhes pa ni srog sdom pa ste sogs pa'i sgras dbyung ba dang dga' ba dang bum pa can gyi sbyor ba ni rtag tu bsnyen pa'o/ /des lha rnams mchog ster bar 'gyur gyi srog ma bsdams par ngag tu brjod pas ni ma yin no zhes pa nges pa'i don to/ /drang ba'i
235b5 don gyis ni thun mong gi dngos grub kyi don du bgrang phreng la sogs pas bzlas pa la sogs pa bya'o/ /da ni nye ba'i sgrub pa gsungs pa so sor zhes pa la sogs pa ste 'dir so sor sdud pa zhes pa la 'khor ba pa rnams kyi sdud pa ni mig la sogs pa'i dbang po rnams kyis gzugs la
235b6 sogs pa'i yul 'dzin pa'o/ /de yongs su spong ba ni so sor sdud pa zhes brjod de stong pa nyid kyi gzugs la gzhan sha la sogs pa'i mig la sogs pa rnams kyis gzhan gzugs la sogs pa'i yul 'dzin pa ni nye ba'i sgrub pa'o/ /de bzhin du bsam gtan dang srog rtsol dang 'dzin pa ste rdo rje pad+ma las
235b7 skyes bdud rtsi 'pho ba med pa yis ni nye ba'i sgrub pa ste nges pa'i don gyis so/ /drang ba'i don gyis ni phyi rol du lha spros pas so zhes pa nye ba'i sgrub pa grub pa'o/ /da ni sgrub pa gsungs pa dga' ba zhes pa la sogs pa ste/ 'dir dga' ba la sogs rnams kyis rdo rje gsum zhes pa sku dang gsung dang thugs kyi thig
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba