rKTs

e-texts navigator

Volume

Page

234b₁ dpral ba dang gtsug tor gyi pad+ma rnams shes rab kyi chos 'byung du gsungs so/ /de ltar zhu bar gyur pa na gsang bar sku'i thig le dang lte bar gsung gi thig le dang snying gar thugs kyi thig le dang mgrin par ye shes kyi thig le'o/ /de ltar shes rab chos 'byung
234b₂ dag la gnas pa byang chub kyi sems ni slar yang zhes pa ji ltar byon pa de bzhin gshegs pa ste spro ba byas zhes gsungs so/ /ji ltar dpral ba nas dga' ba la sogs pa'i dbye ba'am rnam pa sna tshogs la sogs pa'i dbye bas byon pa dang zla ba'i cha bco lnga yongs su
234b₃ gang ba de bzhin du rgyu mthun pa la sogs pa'i dbye bas steng du dpral bar gshegs te dri ma med pa spro ba byas par 'gyur ro/ /des na dri ma med pa'i thig le sna tshogs rgyan dang ldan zhing me long dag la gnas pa lta bu zhes pa pra phab pa dang mtshungs pa dus gsum du gnas pa'i
234b₄ ye shes 'khor lo rang byung ba zhes pa ni thig le'i rnal 'byor las phra mo'i rnal 'byor du gyur pa'o/ /de bzhin du 'dod pa dang ni gzugs dang gzugs med srid pa rnam pa gsum po rnams kyang rim pas zhes pa sku dang gsung dang thugs kyi thig le skyed pa'i rim pas sbyangs
234b₅ byas te/ phyi nas ye shes me lce dag gis zhes pa mi 'pho ba'i bde ba'i 'od zer rnams kyis srid pa gsum po mtha' dag ste khams gsum po dus gcig tu ni dgug par bya zhes pa cig car dus gsum shes pa ste lha'i rnal 'byor dkyil 'khor gyi 'khor lo'i rnam pa
234b₆ spro ba dang 'khor ba pa rnams kyi bu dang bu mo spro ba ni byang chub kyi sems las so/ /de ltar lo bcu drug gi mtshams su mngal nas skyes pa rnams kyi lus dang ngag dang sems dang ye shes rdzogs pa ste lha rnams kyi ni sgom pa'i stobs kyis so/ /sangs rgyas rnams kyi ni
234b₇ rnam par thar pa bzhi'i stobs kyis so zhes pa kun rdzob dang don dam pa'i bden pas so/ /da ni zla ba zhes pa la sogs pas nang du sngags kyi bzlas pa la sogs pa gsungs te 'dir lus la zla ba zhes pa ni g.yon gyi rtsa dang nyi ma zhes pa ni g.yas kyi rtsa'o/ /a sogs

_{iiif viewer powered by OpenSeadragon}

234a - 235a

Texts on this page