| e-texts navigator |
| བོད་ཡིག |
232b1 'byung ba'i dus nas phyi rol du slar yang rnam pa bzhir gsungs so/ /de bzhin du dkyil 'khor la rgyal ba'i bdag po'i sems can kun don byed pa po sku yi dbye bar 'gyur te kun rdzob kyi sgrib pa zad pa'i phyir ro/ /khams gsum pa gzhan gyi sems shes pa dang sngon gyi gnas rjes su
232b2 dran pa la sangs rgyas rnams kyi thugs bzhugs te srid pa yongs su shes pa'i phyir ro/ /da ni sku bzhi'i bya ba gsungs pa sprul par zhes pa la sogs pa ste 'dir 'khor ba pa rnams kyi sprul par zhes bsad pa'i gnas skabs su yid ni longs spyod byed pa por rab tu 'gyur te lus
232b3 dang ngag dang dbang pos yul rnams byed par gyur pas so/ /longs spyod rdzogs la zhes pa rmi lam gyi gnas skabs su ma mthong ba'i yul bems po ma yin pa rnams la sems par 'gyur te yon tan dbang gis zhes pa yul gyi bag chags kyi dbang gis so/ /chos kyi sku la zhes pa shin
232b4 tu gnyid log pa'i gnas skabs su gnyid du 'gyur te yid ni dbang po med par 'gyur ro zhes pa'i don to/ /dag pa la ni zhes pa bzhi pa'i gnas skabs su bde bar rab tu 'gyur te 'dir ni nyin mo'i dus sam mtshan mo'i dus su ste dus ni dus tshod do/ /de'i dus su 'khrig pa byas pa ni thig le grol ba
232b5 gsum gyi mthar lhan cig skyes pa'i skad cig gi dus gcig na bde ba chen por rab tu 'gyur ro zhes pa kun rdzob kyi de nyid gang yin pa de'i phyir de ni nyin mtshan dus su rnal 'byor pa yis bsgom par bya'o/ /'gyur med don du'o zhes pa mi 'pho ba'i skad cig gi don du ste 'chad par 'gyur ba'i yan lag
232b6 drug gis so zhes pa nges pa'o/ /de ltar sgrib pa dang bcas pa'i chos 'gags na sgrib pa med pa'i chos su 'gyur te skye ba dang 'jig pa dang bral ba'o zhes pa rigs pa'o/ /da ni g.yon brkyang gi stabs la sogs pa'i rnam par dag pa gsungs pa g.yon zhes pa la sogs pa ste 'dir gang gi tshe 'khor ba pa
232b7 rnams kyi g.yon gyi rtsa la srog rab tu rgyu bar gyur pa de'i tshe g.yas la skum par 'gyur te srog kyang sngags kyi lha'o/ /des na g.yon brkyang ba dang g.yas bskum pas g.yon la srog rab tu rgyu ba gang yin pa der 'gyur te de bzhin du sngags kyi lha'i g.yas bskum pa gang yin pa de ni g.yon brkyang gi stabs su brjod
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba