| e-texts navigator |
| བོད་ཡིག |
230a1 'bras bu'i bdag nyid de de la lnga ni rgyu'i chos so/ /bdun ni 'bras bu'i chos so/ /rgyu'i chos ni nyon mongs pa dang las kyi bdag nyid do/ /'bras bu'i chos ni sdug bsngal gyi bdag nyid de 'jig rten khams kyi le'ur gsungs so/ /rgyu dang 'bras
230a2 bu'i chos de rnams kyi dag pa ni dus kyi dag pa ste rgyu dang 'bras bu 'gags pa'i dag pas rdo rje can te dkyil 'khor gyi dbang po dus kyi 'khor lo rnam par dag pa'o/ /lo dang zla ba la sogs dbye bas so zhes pa ni 'chad par 'gyur ba las brjod par bya'o/ /sems kyi rnam pa ni
230a3 rnam par dag pa'i sems so/ /nyi ma ste 'khor ba'i sems kyi mtshan nyid srog la zhon pa'i rnam par shes pa'i phung po ni ma yin no/ /nyin zhag so so'i dbang gis sna tshogs yum shes rab ma rnam par dag pa ste 'dir lo la zla ba'i dbye bas dus sbyor bcu gnyis ji lta ba de bzhin
230a4 du nyin zhag so so la 'char ba'i dbye bas dus sbyor bcu gnyis so/ /de bzhin du yan lag bcu gnyis 'gags pas shes rab ma'ang dag pa'o/ /'dir theg pa gsum la rgyas gdab pa ni chos kyi phung po brgyad khri bzhi stong gi ye d+harmAH'o/ /lha rnams kyi rgyas gdab pa ni sangs
230a5 rgyas so/ /dge 'dun rnam pa bzhi'i rgyas gdab pa ni dge slong ngo / /de bzhin du dge slong sngon du 'gro ba ni dge 'dun no/ /ye d+harmAHsngon du 'gro ba ni chos so/ /sangs rgyas sngon du 'gro ba ni byang chub sems dpa' dang khro bo dang lha'i tshogs so/ /de bzhin du dkyil 'khor la
230a6 gtso bo ni bsam du med pa'i thugs rdo rje ste gtso mo ni stong pa nyid dang ye shes kyi chos can ma sna tshogs yum mo zhes pa rigs pa'o/ /da ni du ba la sogs pa rnams kyi rnam par dag pa gsungs pa rlung zhes pa la sogs pa ste 'dir snying ga'i pad+mar mnyam gnas la sogs pa'i rlung
230a7 rnams kyi rten du gyur ba'i rtsa brgyad de de rnams kyis du ba la sogs pa'i lha mo nag mo 'bar ma'i mthar thug pa rnams dag pa'o/ /a ba d+hU tI dang dung can ma dag gis cha dang thig le'i gzugs can ma dag ste rlung bcu 'gags pas dag pa'o/ /nyon mongs pa bzhi zad pas zhabs
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba